feature

女人四十歲係一個大關口?田蕊妮新節目《女人四十》金句逐個睇

女人四十歲係一個大關口?田蕊妮新節目《女人四十》金句逐個睇

由田蕊妮主持嘅新節目《女人四十》自播出之後大受家庭觀眾同網民歡迎,節目大談女人去到四十歲時所面對嘅問題掙扎同生活態度,好似女人去到四十歲都未結婚甚至冇拖拍究竟係一個點嘅故事。節目搵嚟唔同嘅嘉賓大談《女人四十》,好似有卓韻芝、谷祖琳、杜如風,車婉婉等......《女人四十》除咗題材新穎同陣容強勁之外,另一個受歡迎嘅之處就係入面嘅金句好貼地同好有共鳴。

by COSMO

1. 「四十歲才是女人的開始」

女人四十歲係一個大關口?田蕊妮新節目《女人四十》金句逐個睇

呢一句可以話係《女人四十》嘅宗旨,阿田希望透過呢個節目話比大家知四十歲並唔係結局,而係重生。邊個話得男人先愈老愈有魅力,其實女人一樣係。為咗證明四十歲一樣可以活得精彩同作出新嘗試,阿田喺節目入面踏出咗好多個佢人生嘅第一次,好似第一次參加speed dating,第一次學剪片等等。

2. 「四十歲後,開始懂得拒絕、開始懂得選擇。」

女人四十歲係一個大關口?田蕊妮新節目《女人四十》金句逐個睇

會發現隨著年紀嘅增長,「選擇困難症」嘅情況會有下降嘅趨勢,因為經歷會令你懂得選擇同拒絕。嘉賓谷祖琳話:「四十歲開始懂選擇和拒絕別人,時間很寶貴,我要編排一下。之前,只不過是累積錯誤,開心過、贏過、輸過,現在正是建立自己性格的時候。到了四十歲會很清楚自己,四十歲最正!」四十歲嘅你會好清楚你嘅路應該點行,都好清楚自己想要啲咩。

3. 「女人要結婚,從來都不是件難事,嫁得好才更難!」

女人四十歲係一個大關口?田蕊妮新節目《女人四十》金句逐個睇

成日聽到身邊嘅女生會話希望三十歲之前結婚,三十歲就好似一個deadline咁,為咗趕到喺限期之前嫁得出可能已經唔再介意係唔係真心愛對方,但求有人鍾意自己並想同自己過人世就夠。閃婚嘅卓韻芝就話「女人要結婚,從來都不是件難事,嫁得好才更難!」,要尋覓到一個真心愛你你又愛佢嘅人,就算愛情遲來一點又怕什麼?

 

4. 「解決不了的事情,終有一天會解決。」

女人四十歲係一個大關口?田蕊妮新節目《女人四十》金句逐個睇

年輕嘅時候或者會覺得一發生問題就必定要當下解決,但經過歲月洗禮你會知道「無法即時解決的,就留到明天,總有能解決的一天。」比起年輕時心急嘅自己,四十歲嘅你遇到問題會變得從容不逼,會先觀察情況再諗解決方法。

 

5. 「無論幾歲,都需要衝動。」

女人四十歲係一個大關口?田蕊妮新節目《女人四十》金句逐個睇

你會發現人生好多事情都係需要衝動才能完成,所以唔應該因為年紀而失去咗衝動呢種感覺,想做就去做啦!

 

6. 「不要被年齡限制,只要願意嘗試就能做到。」

女人四十歲係一個大關口?田蕊妮新節目《女人四十》金句逐個睇

四十歲對阿田嚟講只係一個數字,並未為佢造成任何限制,佢認為無論幾多歲都好,只要你肯嘗試就會做到。以佢自己為例,四十歲嘅阿田依然活躍於健身、wakesurf,可見年紀並唔係一個問題,問題係在於你肯唔肯試、肯唔肯踏出第一步、肯唔肯相信四十歲並唔係終點。

 

LOAD MORE