feature

如何收服壞孩子?梅根王妃4招讓哈里王子愛得死心塌地

如何收服壞孩子?梅根王妃4招讓哈里王子愛得死心塌地

英國哈里王子Prince Harry同梅根Meghan Markle嘅愛情故事一直都備受關注,由佢哋被影到約會,到訂婚、行禮,都成為全球嘅矚目盛事。而向來都被稱為皇室壞孩子嘅哈里王子,身邊女伴不停轉,但最後就被梅根收服,一齊步進教堂,到底梅根係點做到嘅呢?

by anna

比哈里王子年長3年嘅梅根今年36歲,生於美國洛杉磯,6歲時父母離異。但佢自小就入讀好學校,仲畢業於私立學府西北大學(Northwestern University),係一位高材生嚟架,結婚前就係一位演員。

1. 堅強又獨立

梅根係一位演員,但作品唔多,喺演藝圈亦唔係非常有名氣,開初當演員時,就因為佢嘅種族同膚色都處於灰色地帶,所以幾乎搵唔到適合嘅角色,直到後來美劇《金裝律師》(Suits)嘅導演認同佢,讓佢演出一個女角,就成為咗佢嘅代表作。

一路以嚟嘅事業發展都唔順利,但就因為佢堅毅不屈嘅個性,令佢更加硬朗,那份自信完全迷倒哈里。

梅根嘅經歷令佢更加成熟,亦識得點去照顧朋友、長輩,讓哈里王子都好放心。

2. 個性開朗活潑

問到哈里王子係幾時愛上梅根嘅,佢就甜絲絲地笑答:「初次見面時已經鍾意咗佢」。當時梅根喺加拿大拍攝《金裝律師》,而咁岩哈里王子就去咗加拿大出席「不可征服運動會」閉幕禮,二人喺當時經朋友介紹下認識,一見面就一見如故,傾得好開心,梅根言談時表現得自然開朗,笑容甜美,就係咁電暈咗哈里王子。

3. 敢言又具知性美

梅根一向都好敢言,不時都為女權話題發聲,佢就曾經講過:「女生有自己嘅聲音」,男生都喜愛獨立又有思想嘅女生,魅力更加大。向來都唔喜歡規矩嘅哈里王子,遇到呢位咁有個性嘅梅根,唔會盲目跟從傳統同規矩,同哈里王子咁合拍,難怪令哈里王子愛佢愛到不能自拔。

4. 心地善良

心地好唔好,真係無得呃,相處得耐咗,就能夠從佢嘅行為舉止,睇得出呢個人係唔係好人。梅根從小就飽受各種眼光、面臨自我認同等問題,所以佢好希望可以幫助到弱小社群,一直都致力於慈善活動上,又會同哈里王子一齊去做義工,大家都咁有愛心,所以哈里王子對佢一見傾心。

哈里同梅根之前喺訪問中就講到:「慈善事業讓我哋走埋一齊,係我哋初相識時成日傾嘅話題,我哋都想為世界做不一樣嘅事,希望世界變得更好」,一對情侶有共同嘅信念同價值觀關係都會更加close。

望見哈里王子同梅根每次對望,眼中都只有對方,同埋充滿住粉紅泡泡,就知道佢哋係幾咁夾同埋愛對方,能夠相遇到相愛,真係要好好珍惜對方!

LOAD MORE