feature

Project Campus 2018 大學生實戰比賽 Task 3 !得獎隊伍三日兩夜玩轉郵輪

Project Campus 2018 大學生實戰比賽 Task 3 !得獎隊伍三日兩夜玩轉郵輪

早前勝出咗Project Campus 2018 大學生實戰比賽Task 3 (為Dream Cruises 籌辦宣傳活動)嘅三隊得獎隊伍,分別嚟自香港嶺南大學嘅Rushing Dog ﹑香港浸會大學嘅鬼馬四星以及香港樹仁大學嘅書大招瘋,佢哋都已經登上「世界夢號」享受三日兩夜樂活週末「郵」。我哋一齊黎睇下佢哋喺船上嘅體驗感受啦!


Rushing Dog

三個同學仔喺船上面好似玩得好開心咁喎!有睇show又玩VR,仲要瘋狂嘆美食!睇到小編我都好想一齊上船玩呀!

最咗船上面嘅室內活動,室外活動一樣好吸引!呢個三日嘅旅程,Rushing Dog都挑戰咗船上面嘅户外攀岩場、繩索場同迷你高爾夫,一齊同陽光玩遊戲。

最吸引嘅一定係呢個船上繩索場!又點會估到喺郵輪上面竟然會有飛索,仲要由船嘅最高個層衝落去!真係淨係睇相都feel到嗰種又興奮又緊張嘅心情。

玩完一整日,夜晚仲可以喺海景餐廳望住360度全海景享用自助餐,美食配美景,正呀!

鬼馬四星

淨係睇相都睇得出船上面真係好多嘢玩,動靜有齊!又打機、又VR、仲要浸埋按摩浴池,真係好羨慕呀!佢哋仲大讚船上泳池好大又好靚,加埋水上滑梯同Liveband,現場氣氛high爆!當然唔少得美食啦,佢哋靜靜雞同咗小編講船上面嘅美食應有盡有,中西意日樣樣齊,食到佢哋停唔到口!

書大招瘋

佢哋大讚船上面嘅房環境優美,麻雀雖小但五臟俱全,令人樂而忘返!除咗有靚靚房間,高水平嘅自助餐都令佢哋十分滿意。食完飯仲可以去聽下liveband,都唔好話唔chill!

咁啱三隊上船嘅時候都撞正世界盃,佢哋都不約而同咁話喺郵輪上透過大熒光幕,一路睇直播着比賽,一路飲啤酒,一路聽liveband,真係超正呀!

LOAD MORE