editing

友達以上戀人未滿,男女之間有冇純友誼?

友達以上戀人未滿,男女之間有冇純友誼?

能成為密友,大概總帶著愛。自從情竇初開,到開始戀愛,我哋都不約而同討論過一個話題:男同女之間究竟有冇純友誼?由學生時代,直至踏入社會工作,話題依然不老。呢個問題,唔同人有唔同答案;依本人嘅非正式統計,大部份女仔都會答「有純友誼」,而答「冇純友誼」嘅,大部份都係男仔(利申:吾乃直男,相信冇純友誼)。

by AhGrass

不過,無論你心裡面答「有」定「冇」都好,經本人多年分析,其實兩個答案並無衝突,只係在於觀點嘅差異。撇除少部份人係一見鍾情(One Night Stand 唔計,今次講緊思想上嘅感情,柏拉圖嗰隻),相信世上大部人都要經過以下呢幾個步驟先能夠成為情侶:

1. 相遇
2. 成為朋友,發展友誼
3. 情投意合,加深了解
4. 曖昧,只欠名份
5. 成為戀人

友達以上戀人未滿,男女之間有冇純友誼?

生命之中,每一對男女(男男/女女都得,但事關本人冇乜經驗,都係講返男女好啲)都有可能完成以上5個步驟;但當然,更多嘅關係,喺成為朋友之後就已經終止發展。對我而言,如果可以跨過第二階段、進入第三階段,呢條就係代表超越純友誼嘅分界線。

友達以上戀人未滿,男女之間有冇純友誼?

點樣判斷一段關係有冇機會走過分界線?女仔可能會諗多少少:興趣、人品、樣、身高、才華、風趣幽默、食女紀錄.....當然仲有家底等等。經過多重篩選,現實中大部男人已經被篩走、被Friendzone,甚至連朋友都廢事做!(呢個位好特別,無論咩質素嘅女仔,成日都會當自己係女神咁樣對人評頭品足,挑三揀四。少數女人個樣生到一舊飯咁,依然覺得自己有一日會被Oppa/白馬王子愛上,童話故事同韓劇絕對害人不淺!有機會再深入討論呢個話題。)

友達以上戀人未滿,男女之間有冇純友誼?

大部份男人都(被)跌入Friendzone之後,理所當然地,女士自然覺得世界上係「有純友誼」;殊不知所謂嘅純友誼,曾經都係一段段有可能開花結果嘅關係。

講完女人,要講下男人。對男人嚟講,要判斷一段關係能否走過分界線好簡單:主要都係睇樣。雖然港男成日J台妹、烏克蘭美女,但問心其實香港都有靚女(雖然身材就......);所以男人相對容易覺得自己同女仔之間,有可能發生超友誼關係。換個角度睇,亦即係鍾意FF。

友達以上戀人未滿,男女之間有冇純友誼?

正因如此,大部份男人都覺得世界上係「冇純友誼」。只要個樣唔太差,大部女仔都可以係幻想對象,分別只係在於自己溝唔溝到人哋;當然 FF過後,唔係人人都做到王祖藍。最後順帶一提,如果一個男仔主動問你世界上有冇純友誼,呢條問題,正正可能就係令你哋跨越純友誼嘅鑰匙。呢一刻,答案,真係咁重要咩?

LOAD MORE