2. 「我呢排好似肥咗」
就算女朋友或者老婆呢排真係肥咗都好，都千祈唔好講事實，係伏嚟㗎！如果佢同你講「我好似肥咗」其實係想聽你氹吓佢話「唔係呀邊有呀？」或者「就算你肥咗都係咁可愛㗎啦！」總之越肉麻越sweet越鍾意聽啦！
3. 「唔緊要」
當然唔係話次次同一個女仔講「唔緊要」嘅時候都係反話啦，但尤其係嗌緊交嗰陣，個女仔突然間講「唔緊要」，通常佢都只係唔想同你繼續爭論，或者覺得拗落去都無意思，而唔係真係「唔緊要」！
4. 「你忙啦 我唔阻你」
唔通你打緊機唔理佢嗰陣，佢同你講「你忙啦 我唔阻你」你又真係信佢咩？其實女仔咁講無非都係想你理吓佢重視吓佢姐。下次佢咁講嗰陣，不如試吓放低手頭上嘅工作去聽吓佢講嘢，或者陪吓佢。
5. 「食咩都無所謂呀」
唔排除有時佢話「食咩都無所謂呀」係真係無所謂嘅。但當去到紀念日或者啲特別日子佢都話「食咩都無所謂」嘅時候，其實係想試吓你睇吓你估唔估得中佢心意。如果你唔肯定佢會鐘意食咩，不如試吓揀好幾間餐廳俾佢再揀，顯得出你有花心思挑選過之餘，佢又有話事權。
6. 「我同其他女仔唔同」
心底入面嘅諗法其實係我就係我，你唔好嘗試將其他人（尤其其他女仔）嘅做法或者思想套落我度。希望就算我同其他女仔唔同，你都會支持同欣賞我！
7. 「佢真係好好」
係好人卡呀！通常跟喺呢句後面嘅都係「但係.....」不過女仔無講大話㗎 「真係好好」係真嘅，只係你唔係佢嘅發展對象姐。
8. 「你覺得佢好靚咩？」
你答係嘅話你就中計啦！你死梗添呀！雖然世上靚過佢嘅女仔有成千上萬個，但女朋友又點會鍾意聽到男朋友讚其他女仔靚㗎，下次佢咁講嘅時候，你答返句「係呀佢好靚，不過你仲靚！」好肉麻呀可？不過女仔就係咁越肉麻越鍾意聽！
