editing

因衝動而開始嘅戀情,永遠都係一場賭博

因衝動而開始嘅戀情,永遠都係一場賭博

一對男女,之所以能夠成為情侶,或多或少都需要一啲衝動。衝動,可能會開啟一段幸福嘅旅程;衝動,亦都可能會帶嚟一段令人遺憾嘅回憶。

 

唔知大家有冇留意,無論男女都好 (尤其係女),失戀或者失意過後,總有一段空虛寂寞凍嘅時候,我會稱呢個為「最佳捕獵期限」。當一個人空虛,需要用一啲新嘅事情、新嘅人物、新嘅衝擊,將內心多出嚟嘅空間填滿;當一個人寂寞,好容易就會將新出現嘅人物當成避風港,衝動地送上愛嘅抱抱、攬攬、錫錫…...後面唔講啦!


因衝動而開始嘅戀情,永遠都係一場賭博

把握以上時機,可以話係狗公獵食嘅最大絕招!不過呢個題目大到足以寫多一篇文,可以留返下次再講,我哋今次討論返正常case先。

兩顆寂寞的心走埋一齊,由於有時候過份需要伴陪,難免會意志脆弱 (有啲人其實本身都冇乜意志……Anyway),兩個人可能會不經意擦出虛假嘅愛火花。點為之虛假呢?就係正正常常嘅時候,佢根本唔喺你嘅擇偶條件之內,呢一刻純粹係因為被寂寞沖昏頭腦,所以衝動地開始 (或者發生咗) 呢段關係。

 

因衝動而開始嘅戀情,永遠都係一場賭博

世界上好人有好多,不過唔係個個都適合自己。剛開始嘅第一個月,大家可能會sense到有啲唔妥,又講唔出係咩問題。第二個月,可能會發現大家性格唔太夾,未至於難相處嘅,但明明之前識落都唔係咁?第三個月,你更可能發現大家冇乜共同興趣,你鐘意煲劇做瑜伽,佢鐘意打波打機行山,總之生活習慣幾乎係冇交雜嘅空間;每次約會,都係夾硬搵戲睇、夾硬搵餐廳食嘢,連愛做的事都開始冇乜興趣做。

 

因衝動而開始嘅戀情,永遠都係一場賭博

無他,因衝動而開始嘅戀情,永遠都係一場賭博;只想感受當下嘅愛,但無法預料之後嘅結果。如果一早知對方係狗公,尚可狠狠分手;如果對方都係一個好人,最終衍生嘅就會係兩段遺憾。邊個痛啲?我都唔知。

「我最大的遺憾,是你的遺憾與我有關。」

 

LOAD MORE