editing

看到同樣風景,總讓人想到前任?

看到同樣風景,總讓人想到前任?

臨近聖誕,身邊每Pair情侶都要出嚟行街放閃!放閃本身嚟講就唔係咩問題,不過講真,成個香港地又唔係咁大,拍一年拖基本上所有景點都已經行過晒。所以只要拍多幾次拖,你好大機會都會試過拖住唔同嘅人,然後重遊同一個景點。


看到同樣風景,總讓人想到前任?

「閉起雙眼你最掛念誰?眼睛張開身邊竟是誰?」
街裡愛人一對對,每一對都如常地拖手親嘴,但未必每個人心中都一樣只有對方。望住同一個景點,會唔會令你諗起以前同其他舊愛嘅親密片段?閉起雙眼享受唇齒交接嘅同時,心裡面卻可能正幻想著另一個人嘅溫暖。

看到同樣風景,總讓人想到前任?

人嘅記憶有限,好難無止境為每個對象開啟新嘅記憶欄。見到優美嘅風景,腦裡面立刻浮現嗰位曾經企喺同一個海岸線,一齊按下快門嘅人;玩完刺激嘅機動遊戲,正想同現任分享上次遊玩主題樂園嘅有趣經歷,但又發現原來每段記憶都滲雜著唔同前度嘅故事。雖然已經話到口邊,都只好欲言又止。

看到同樣風景,總讓人想到前任?

「感激車站裡尚有月台,能讓我們滿足到落淚。」
好死唔死,就算你哋平日好少行景點、去主題公園,但久唔久都總要去對方屋企或者送佢返歸。每次踏上歸家嘅路途,記憶就會開始重疊。由第一次戰戰競競帶異性返屋企,到後來開始變得平常,得閒趁屋企冇人就上房翻覆雨,每一幕回憶都喺腦海瞬間湧現。

看到同樣風景,總讓人想到前任?

前任現任嘅體溫,喺同樣空間、唔同時空之中瞬間融為一體,幾乎分唔到記憶嘅先後次序。默然回過神來,眼睛張開先記起身邊嘅原來係邊一位人兄。牽著唔同人嘅手,坐住同一班列車到達同一個車站月台,回想過去,有時可能唔小心流下莫名嘅眼淚;如果佢問你做咩喊,你唯有老套咁樣答一句:吹沙入眼啫。

「感激車站裡尚有月台,曾讓我們滿足到落淚。」

LOAD MORE