暖男快來拯救她！廢物女友的6個生活日常

唔知你哋係唔係放工即刻返屋企、放假唔鍾意出街、周末由朝到晚都留喺屋企瞓覺煲劇呢？平時工作咁攰，耍廢絕對係一種休息方式，但係有冇諗過耍廢程度太厲害隨時會變廢物女友？紙巾懶得伸手攞、房燈懶得伸手㩒呢啲情況又有冇似曾相識嘅感覺呢？以下6個廢物女友生活日常你又中咗幾多樣？

1. 不出門不洗頭

千祈唔好以為女仔好乾淨，佢哋污糟起上嚟真係恐怖過男仔！唔出街唔洗頭絕對係廢物女友嘅超常見生活日常，喺周末同長假期會經常出現！佢哋會覺得無出過屋企，姐係唔污糟啦，又唔洗見人，咁咪唔洗頭囉，比啲頭髮抖吓呀嘛！

 

2. 起身直接吃午餐（還要專人外賣）

唔洗返工返學嘅日子會瞓到黃朝白晏，一起身就已經係午飯時間。其實一起身係午飯時間都唔係最恐怖，因為放假瞓到自然醒都人之常情，最恐怖嘅係如果無人煮或者無專人外賣佢哋係會skip咗個午餐！誓死都唔會自己煮，更唔好話自己買外賣，因為落街要力氣，所以會寧願選擇唔食！

3. 一回家直接躺床上

返到屋企乜都唔想做，淨係想攤喺張床度唔郁！呢個狀態絕對可以維持兩三個鐘，最後驅使佢哋動身嘅會係因為需要沖涼或者食飯，如果唔係佢哋應該可以攤到瞓著咗，一瞓瞓到聽朝再起身返工！

4.

全屋唔同角落都會佈滿佢著過或者未著過嘅衫。點解會有未著過嘅衫周圍放呢？因為朝早襯衫嘅時候發現呢件唔啱所以拋埋咗一邊，到放工返到屋企嘅時候又太攰唔想執，然後呢個循環周而復始，就會導致全屋都係衫！有冇聽過每個女仔都有一張搭滿哂衫嘅櫈，係真㗎！

 

5. 情人面前無底線

周圍放屁、撩鼻屎、裸體跑來跑去應該係基本！你識佢嘅時候或者係一個女神，但骨子裏絕對係一個不折不扣嘅宅女，係屋企就係完全不修邊幅。想見返女神BB？放心，等佢要出街見人嘅時候你就會見到啦！

6. 嚴重路痴

永遠都唔會搵到路，就算有GPS都唔識用，所以一定要約埋先一齊去某一個地方！根本就係路痴一名，不過唔緊要男朋友就係你最好嘅導航啦，怕咩喎？

其實，可以做到廢物女友都係因為有一個好疼愛你嘅男朋友，佢願意不辭勞苦超貼心咁照顧你，仲唔快啲同佢講聲多謝！