千萬不要自虐!3種廢物型情人要盡快放走

千萬不要自虐!3種廢物型情人要盡快放走

拍拖係一件開心事嚟嘅,老土啲講句「如果成日都拍得唔開心,不如唔好拍!」咁講真嗌交爭執呢啲係在所難免,每對情侶都會經歷,但床頭打交咪床尾和!之不過有4種廢物情人真係生人勿近,同佢哋一齊只會越來越負面同唔開心,遇到佢哋記住盡快放生,唔好優柔寡斷!

by COSMO

1. 情緒難以捉摸

其實呢類人做朋友已經難搞,做情侶嘅話簡直就係折磨。佢哋就好似一個計時炸彈,你唔會知佢幾時嬲或者點解嬲,幾時唔開心或者做咩唔開心。簡單啲黎講,佢哋係十分情緒化嘅人,情緒變幻莫測仲變得快過天氣。最麻煩係呢個情緒計時炸彈唔會話你知點解會爆,亦唔會有先兆佢即將要爆,但到爆完之後,又可以當無事發生架喎。情況就係,佢無啦啦嬲,又黑晒面唔理你,但唔話你知點解,然後過一陣又好似無事發生咁笑住攬住你。就係因為呢種咁波動無常嘅情緒,你凡事都會小心翼翼好怕踩中地雷,連你自己嘅情緒都會被佢牽著走。

2. 耍廢不工作

無論男定女都好,如果到咗應該出嚟做嘢嘅年齡,但你選擇唔搵嘢做甚至唔做嘢,整天宅在家,呢類人都千萬唔好同佢交往。呢個情況只反映佢無上進心無人生目標,或者有人生目標但無努力去達到。通常佢哋嘅藉口都會係「有搵工架但搵唔到」或其「唔搵工係想自己搞生意」再唔係「抖下先啦遲啲再搵」......其實咁講絕對係無問題架,但口講無用,行動最實際,佢講完之後究竟有有無真係去做呢?情侶係應該一齊進步,互相令大家進步,所以千萬不要搵一個耍廢嘅情人虛度光陰

3. 溫室裏的媽寶

媽寶某程度上姐係港孩,一向都飯來張口嘅佢又點會習慣照顧別人?所以同佢一齊,你都可以幻想到你會充當著媽媽嘅角色,施出無微不至嘅照顧同愛。甚少面對挫折嘅佢,如果遇到難題就會完全依靠你。因為依靠媽媽係佢一貫嘅做法,有咩發生媽媽都會幫佢搞掂,所以作為佢嘅男/女朋友你就補上咗呢個角色。他/她缺的不是情人,是媽媽!

LOAD MORE