editing

你的世界不要只有他:情侶間要有共同興趣

你的世界不要只有他:情侶間要有共同興趣

雖然話愛情係盲目、唔需要理由。不過無論係唔係做情侶,就算係普通朋友都好,唔多唔少都需要有少少共同興趣,先能夠繼續溝通、互相了解。


你的世界不要只有他:情侶間要有共同興趣

正所謂熱戀係一時,人嘅本質先係一世。熱戀嘅時候,即使兩個人嘅興趣南轅北轍,但唔知點解總係一時鬼遮眼,完全睇唔到呢啲問題(其實科學係有得解,但講得太scientific就唔浪漫)。結果大家就可以暫且無視問題,努力啜啜啜、啪啪啪。

你的世界不要只有他:情侶間要有共同興趣

到後來,再熾熱嘅戀火(或慾火)都會有冷卻嘅一日。要維持溝通,亦唔可能一味用啪啪聲或身體語言解決。呢個時候,共同興趣嘅重要性就會開始顯現出嚟。

你的世界不要只有他:情侶間要有共同興趣

就算大家興趣唔係完全一樣,但都需要有交匯點。透過種種興趣,兩個人之間先可以發展出更多共同話題,例如:

男友鐘意聽Jazz、女友鐘意聽Country Music;

男友鐘意踢足球、女友鐘意打羽毛球;

男友鐘意睇科幻小說、女友鐘意睇愛情小品。

雖然咸魚青菜各有所好,基於大家相處之間有相似嘅話題,可以藉此了解對方嘅喜好,從而擴闊彼此生活圈子,亦可學習更多新嘅人同事。

 

你的世界不要只有他:情侶間要有共同興趣

試諗吓,如果你男朋友好鐘意玩音樂,但你自己就十年都唔聽一次歌,咁又邊有話題講落去呢?假設你好鐘意文學或寫文章,但你嘅伴侶從來唔睇書、甚至完全唔想接觸文字,咁樣嘅生活又何嘗唔煎熬呢?

 

你的世界不要只有他:情侶間要有共同興趣

然而比起唔同興趣,更難搞嘅係:有啲人根本冇為自己Develop過任何興趣。當科技越來越發達,越發現身邊有好多朋友每日除咗碌IG、Snapchat之外,其實人生根本冇一項真心想發展嘅活動。就算得閒報下course、報下運動班,都只係一時興起填充時間嘅活動,人玩佢又玩。一旦有拖拍,成個世界就寄托喺對方身上;一旦冇拖拍,世界就好似瞬間崩塌。

所以為自己幸福著想,各位女士記得為自己發掘多啲興趣喇!

 

LOAD MORE