editing

愛情路上的物以類聚:當磁石遇上狗公

愛情路上的物以類聚:當磁石遇上狗公

唔知大家身邊有冇一啲「狗公磁石」,呢類女仔好少會有感情空窗期:每次有失戀,過唔夠一個月又拍返拖。幾個月之後,又準備畀人飛、喊到死去活來;喊咗無耐,又有新仔。

 

作為呢啲「狗公磁石」嘅朋友,每隔幾個月就要聽佢發洩一次,每次都係相同嘅內容,你都咪話唔煩。尤其多數負責做樹窿嘅Fd子,多數一係少拍拖、一係就長期單身,聽佢呻一次就想打佢一獲。


愛情路上的物以類聚:當磁石遇上狗公

「狗公磁石」多數有個共通點,就係個樣靚靚地又得得意意,有少少身材得嚟但又冇乜理智。對狗公嚟講,呢啲女仔就係最佳獵物,有樣有身材仲要蠢,一日到黑都只係想搵個人錫自己,代價在所不計,中出即飛完都冇乜後果,分分鐘仲可能會怪自己做得唔夠好所以先俾人飛。

 

愛情路上的物以類聚:當磁石遇上狗公

每次俾人飛,喊到眼腫鼻腫,都未知道 (或者唔承認) 對方係狗公,仲諗緊係咪自己送得少禮物、陪得佢唔夠多、定係因為上次口爆完唔記得吞埋落肚?正當每個朋友都對自己嘅失戀習以為常,甚至叫自己收皮、蠢到冇得救,突然有個靚靚仔仔嘅男士出嚟同你講:「唔係你嘅錯,有錯,都只係天下男人嘅錯。」

 

愛情路上的物以類聚:當磁石遇上狗公

一句句安慰說話令人暖在心頭,句句都令寂寞空虛嘅心慢慢融化;及時嘅遮風擋雨,極速連自己個Body都俾人溶埋。所謂嘅及時,就係我之前講過嘅「最佳捕獵期限」,即係情傷未癒 (其他傷都得,有啲狗公連女仔屋企人過身都乘虛而入,真係狗到冇朋友) 而感到空虛寂寞凍,但又未回復理智嘅時期。

 

愛情路上的物以類聚:當磁石遇上狗公

作為朋友看在眼內,深知呢啲女仔已經無藥可救,不過可悲嘅循環總有完結嘅一日?都有嘅,只要等到件「狗公磁石」人老珠黃、身材走樣、年過三十歲唔再卜卜脆,狗公自然唔再埋身,「磁石」終於有機會變返清醒。雖然時機已經太遲,不過遲到總好過冇到,係咪?

 

LOAD MORE