5招對付自我中心討厭鬼！

人生在世，都好難…遇唔到自我中心到一個點嘅人，彷彿佢哋就係世界嘅核心，乜都all about them，而其他人都係連微塵都不如。如遇上佢哋，就要小心保護自己，免得俾呢啲能量黑洞搞到自己精神不振。

而首先，要先認清自我中心鬼嘅特徵！

自我中心鬼特徵：

1. 自大，做好多嘢去保護佢哋個人形象，你唔buy佢嗰套，佢會討厭你，甚至批評你、攻擊你

2. 朋友多，但都好表面。

3. 有啲個人魅力，會利用呢個優勢去吸引一啲願意去餵養佢自尊嘅人。

4. 佢哋無乜同情心，就算有，都係有條件嘅。

5. 踩低人哋，抬高自己，會無限放大自己嘅付出，同時對回報期望過高，即係想付出最少，得到最多，而通常佢要求嘅回報都係喺其他人應得嘅嗰份度攞嘅。

6. 佢哋眼中只有好好嘅人，同埋好差嘅人，即係如果你滿足到佢，你就係好人，相反就...

對付策略：

1. 劃清界線，唔好俾佢踩過界。
2. 如果你需要捍衛自己，用最到point、最少嘅字句去表達，因為同佢哋講嘢通常都隔咗一堵厚牆。

3. 唔好再俾attention佢哋，只要忠於自己、態度誠懇就夠。

4. 唔使攻擊佢哋，表示你立場、唔同意邊啲嘢就夠。