男人喺愛愛時會留意嘅3件事!

男人喺愛愛時會留意嘅3件事!

女生全裸時自然會好留意自己嘅身體,亦可能會好介懷對方點睇自己,其實男人喺愛愛時,最留意嘅嘢可能同你唔一樣架!

by juju

知道佢鍾意留意你邊part,愛愛時就俾多少少肉緊,等佢更加投入。

1. 你嘅動作

佢梗係會留意你身體啦,但你嘅身體語言可能仲緊要過你嘅靚靚body,因為從中可以知道你投唔投入,如果你硬晒呔咁,可能係無乜mood。

但如果你一邊做一邊配合肢體動作,例如將胸脯壓向佢、遞起雙腿夾住佢臀部、用雙手摸佢背脊之類,佢就知道你享受緊。

2. 你嘅呼吸

唔係講緊有無口氣,而係唞氣方法,例如會唔會重咗、急促咗?聲線有無低沉咗?呢啲都顯示你嘅興奮度。

如果真係覺得舒服,唔好吝嗇忍住唔表露出嚟,呢啲細微嘅呼吸聲喺佢耳邊、頸邊感覺起嚟係好性感架!(當然唔使好似啱啱跑完全馬咁誇張啦!)

3. 你雙眼

係咪擔天望地,望牆望窗望天花板(甚至望手機!)?如果係,伴侶會覺得你梗係覺得好悶。

如果你都好投入咁望住佢雙眼,或者合埋眼好享受咁,佢哋就會知道自己做啱咗,有俾到你舒服嘅感覺。

LOAD MORE