4個床上小動作令你同佢都嗌爽！

想帶啲刺激俾佢，唔一定要大費周章置裝、置玩具、情景佈局嘅，喺床上之日常度加少少佻皮動作，加多少少投入度，已經可以令佢為你同自己都為之瘋狂，再三回味。

4個小動作，就可以做到挑逗、享受、刺激感，不妨同另一半試試！

1. 聲線

做愛時靜英英，係比較難提升氣氛，咁又唔使fake或刻意學AV女星，感覺舒服時，唔好壓抑，俾自己嗌出嚟，佢聽到你把聲咁享受，成個人都會精神晒！咁當然都要留意下自己把聲點樣嗌最動聽，即係連你自己聽到個心都軟一軟嗰種狀態就係架喇！

2. 撫摸

喺過程中你雙手一定有空出嚟嘅時候，利用呢啲空檔增加視覺同感官享受，摸下自己身體，由頭到腳邊個位覺得舒服就摸邊度，你自己得到官能刺激之餘，佢亦會好turn on。不過動作摸得靚都需要技巧，如果呢方面唔叻，動作放慢啲、打圈摸已經好誘人。

3. 要求

拉佢隻手去摸你想被摸嘅部位；過程中邊個動作你覺得感覺好，就細細聲喺佢耳邊講句：「咁樣好舒服」、「唔好停」、「快啲/慢啲」 等，佢知道你想要乜，會做得更投入。  

4. 眼神

開少少燈，拋開雜念，俾自己專注咁去感受，放鬆投入時，你通常都會係雙眼半開半合、帶點迷糊感，望住佢雙眼再合埋眼感受下，加上你享受嘅表情同聲線，佢會即刻覺得好有滿足感。