做愛可以抒壓!愛愛好處多,一星期要做幾多次?

做愛可以抒壓!愛愛好處多,一星期要做幾多次?

讀書、做嘢壓力大,唔知點抒壓?醫生話:「做愛喇!」

by 心濕人上

N年前嘅廣告都有話,皮質醇偏高會令人壓力大,皮質醇高仲會令人血壓高、血糖高等等,講白啲即係會死呀!驚未?咁點解做愛會減壓?醫生就話,做愛過程會分泌血清素、催產素、多巴胺、腦內啡,令我哋有抒壓嘅效果喎!

有大學研究仲發現,每個星期做愛1次,有助釋放催產素,而催產素係有降低血壓、緩解壓力同緊張情緒嘅作用。

大家都知做運動會分泌多巴胺,而多巴胺係可以影響一個人嘅情緒,令人感覺良好,更容易獲得快樂。喺做愛嘅時候,腦內會釋放大量多巴胺,令你由內開心、興奮到外,咩壓力都冇晒!

有研究顯示,食甜嘢係會產生腦內啡,所以好多人特別鍾意食甜嘢,日日都想食好似上癮咁。除咗食甜嘢,原來做愛一樣會觸發腦內啡嘅分泌!有研究指高潮嘅時候,會促進腦內啡嘅分泌,有助於緩解身體嘅不舒服。

依個年代,唔好再避忌講性,性係人煩最原始嘅慾望,而且仲有好多好處等你深入咁發掘!每日運動半小時會身體健康,每星期至少做愛一次,包你身心健康,好似係,除非唔係。

LOAD MORE