男友想要但你唔想！
4招助你投入愛愛時刻

男友想要，但係你唔想要，咁點做好？

人人都有懶到唔想郁嘅時候，但係如果呢個moment咁啱你另一半唔係咁諗，你可以拒絶，亦可以試下呢啲方法睇下提唔提得起精神。

1. 嚟個全身按摩：

不妨提議佢幫你做個全身按摩，一來幫到你消除疲勞、放鬆繃緊神經，二來或者真係可以因而燃起熱情。

2. 搵幫手：

如果你平時有自慰嘅習慣，不妨自己入房用平時最fav嘅方法安慰下自己先，到真係感覺嚟到先叫另一半入嚟幫你完成埋佢。

3. 快閃：

保持簡單，減少枝節，例如採用你哋平時覺得最relax而有效率嘅方法，例如男上女下，再喺女方屁股下方攝個枕頭，增加刺激感，希望盡快製造到高潮。

4. 用手或其他：

如果已經純熟掌握點樣用手令對方得到滿足，用手解決都未嘗唔係一個方法，前提係你有信心滿足到對方，同埋都要有一定投入度先得，如果唔係搞好耐都未得，你自己又攰，佢又覺得被敷衍。

如果你哋都ok的話，亦不妨試下一齊瞓低各自自慰，都可帶來另一種體驗，而且喺觀察對方動作之中，都可以學習到一啲滿足對方嘅技巧。