feature

露腿低胸=性感?話你知男生最愛的5種「小性感」

露腿低胸=性感?話你知男生最愛的5種「小性感」

究竟男仔心目中嘅性感係點?係係唔係戰鬥格(低胸、露臍、露腿)就係正?好多女仔都誤以為穿得愈少愈性感,但實情係男仔覺得若隱若現先最誘人!想輕輕挑逗男生都要正確解讀男生心理先有效!究竟男生最愛3種「小性感」又係咩?

by COSMO

1.穿得少 ≠ 性感

露腿低胸=性感?話你知男生最愛的5種「小性感」

所以絕對唔係戰鬥格就係正,無錯穿好少係可以吸引男生注意,男生都會鍾意望,但絕對唔係做女朋友嘅材料。試問有邊個男仔會鍾意女朋友俾人睇蝕晒?最吸引到男生嘅性感係若隱若現同不經意,例如全白恤衫裙、輕輕透視裝,或者一字膊等等......並唔係話乜都露晒出嚟就係正。

 

2.好好利用小動作

露腿低胸=性感?話你知男生最愛的5種「小性感」

某啲小動作原來都比男生選為「小性感」,當中包括「翹頭髮」、「害羞笑」,「翹腳」等等...如果想吸引對方,記住喺適當時候做呢啲動作,但切忌太誇張!當然唔係叫你一餐飯翹腳或者翹頭髮幾十次,同埋記住確保對方見到先做,如果唔係就嘥咗個quota啦!

 

3.適當肢體接觸

露腿低胸=性感?話你知男生最愛的5種「小性感」

適當肢體接觸係OK,好似傾計時輕輕拍對方手臂或者膊頭,因為適當肢體接觸反而會令氣氛更輕鬆。但過多肢體接觸絕對唔OK,男生仲會反感,擁抱、面貼面、翹手呢啲都係等好熟先先做啦!

 

4.黃色幽默

露腿低胸=性感?話你知男生最愛的5種「小性感」

男生鍾意嘅係「拿捏得宜嘅黃色幽默」,而唔係你咸濕嘅程度比佢還厲害。有啲女生真係當咗自己係佢兄弟咁,頭幾次見就瘋狂開黃腔,或者已經毫無顧忌地分享性經驗,咁樣絕對係over咗!所謂「拿捏得宜嘅黃色幽默」大概係唔好太直白直接,但又帶點玩味。

 

5.香氣

露腿低胸=性感?話你知男生最愛的5種「小性感」

若隱若現嘅性感配埋芳香撲鼻嘅香氣就perfect啦!好好選一隻適合自己嘅香水,然後記住約會時塗抹,令男生好好記住你嘅香味,咁以後佢每次聞到呢隻香味就會諗起你。

 

LOAD MORE