feature

第一次約會問6個問題!幫你輕鬆起底套料同渣男講ByeBye!

第一次約會問6個問題!幫你輕鬆起底套料同渣男講ByeBye!

第一次約會大家一定係比最好嗰面對方睇,點都扮下嘢,甚至有啲人會呃呃氹氹,專登隱瞞事實。究竟點先可以喺First Date知道對方什麼料子?要慎防狗公渣男唔通真係要親身中過伏先知?其實只要喺第一次約會問呢6個問題已經可以大概知道對方係一個咩人!

by COSMO

1.你平時會同屋企人傾咩㗎?

第一次約會問6個問題!幫你輕鬆起底套料同渣男講ByeBye!

首先你可以知道佢會唔會同屋企人傾計先,如果佢同屋企人無兩句可能係性格出事,或者反映佢一啲都唔顧家。另外,你可以從佢同屋企人傾計嘅話題大概知道佢屋企係咩style,究竟係嚴肅正經嘅屋企,定係好玩得嘅屋企。

 

2.上次去旅行去咗邊呀?

第一次約會問6個問題!幫你輕鬆起底套料同渣男講ByeBye!

呢條係側踢對方經濟狀況嘅好方法!從佢去旅行選擇嘅地點,大概可以知道對方嘅經濟狀況。旅行係一個超好嘅話題去打開話匣子,因為有吃喝玩樂咁多嘢可以傾,仲可以同對方分享靚相添!

3.你結咗婚未?

第一次約會問6個問題!幫你輕鬆起底套料同渣男講ByeBye!

小編知道呢條問題聽落有啲奇怪,但係拍咗拖幾年先知對方有老婆嘅情況依然多不勝數。所以問下都無妨,可以試吓講笑咁問佢「你唔會係結咗婚㗎可?」,睇下佢有咩反應。

 

4.有無睇過「流星花園」/「惡作劇之吻」?

第一次約會問6個問題!幫你輕鬆起底套料同渣男講ByeBye!

原來好多人到訂咗婚先知對方幾多歲。所以如果你想早啲知,不妨試下問佢識唔識啲老牌明星,或者某個年代好出名嘅劇集,你大概可以估到對方嘅年齡。

 

5.上次分手係因為?

第一次約會問6個問題!幫你輕鬆起底套料同渣男講ByeBye!

雖然話第一次約會盡量避免傾感情嘢,但係如果對方主動提起,你就要食住個勢問啦。如果對方話上一次分手係因為對方有錯,就知道佢唔係一個好識處理感情嘅人,因為感情呢樣嘢一隻手掌拍唔響,就算有問題都一定係兩個人都有責任。

 

6.覺唔覺得返工好攰?

第一次約會問6個問題!幫你輕鬆起底套料同渣男講ByeBye!

可以了解下佢嘅工作同對工作嘅態度,如果佢係日日返朝九晚五準時放工,但都嗌好攰嘅話,你大概可以知道佢係惰性甚重嘅人,又或者係時間管理唔係好好。再唔係原來佢係成日OT到痴咗線,放假仲要返工嘅,你就可能要諗諗就算一齊咗之後佢又冇時間俾到你,再考慮同唔同佢發展。

 

LOAD MORE