難怪他們咁合拍!宋仲基宋慧喬都是溜冰選手

難怪他們咁合拍!宋仲基宋慧喬都是溜冰選手

最近冬奧運動會舉辦的如火如荼,選手們都使盡渾身解數,希望贏得獎項!而喺一班高顏值嘅明星中,原來都有運動員喺當中,有啲仲係國家隊成員,包括好恩愛嘅雙宋couple宋仲基同宋慧喬!

by Anna

原來雙宋都曾經係滑冰選手,宋慧喬係花式溜冰選手,而宋仲基則係短道速滑選手。

雙宋喺韓劇太陽的後裔中結緣,但原來二人嘅緣分,一早就喺溜冰場上萌芽!

雙宋couple喺出道前,就已經係溜冰運動員,水準仲要非常高,假如佢哋無出道,話唔定會喺冬奧運動會上見到佢哋。

從小學到初中,宋仲基就一直苦練短道速滑,佢仲曾經代表韓國大田參加咗3屆全國體育大會。

完全係速度嘅表現,仲基oppa溜冰個時超帥氣!

之前宋仲基就喺韓劇《Triple》中飾演滑冰選手,溜得有版有眼架!可惜嘅係,後來佢初中二年級時,因為腳踝負傷,而要放棄成為國家隊成員。

而宋慧喬就曾經係韓國國家花樣滑冰隊嘅選手,長大後本來會代表國家出戰,但後來嬌妹選擇咗出道,而忍心放棄運動員身分。

直至到拍攝《浪漫滿屋》樂天滑冰個場戲,喬妹嘅表現完全讓在場嘅人感到驚喜!

本身導演已準備好替身去代喬妹溜冰,但喬妹卻堅持要自己親身落場,個一刻大家先知道喬妹嘅溜冰水平係咁高!就連Rain都話:「本來係想喺喬妹面前show show quali,但睇嚟係有啲不自量力呢,哈哈。」

喬妹溜冰嘅時候好有氣質,勁迷人啊!

原來喬妹自細就學溜冰,佢以前嘅教練就係金妍兒嘅教練!

雙宋couple都係溜冰好手,唔知佢哋第日嘅小朋友會唔會都去學溜冰,成為運動員呢?

LOAD MORE