news

香港首間Starbucks旗艦店,必試甜品、限定啤酒!

香港首間Starbucks旗艦店,必試甜品、限定啤酒!

同朋友一齊去Starbucks坐低傾計、喝杯咖啡係香港人平常會做嘅事,而Starbucks更係唔少人嘅首選,最近Starbucks就喺銅鑼灣開設旗艦店,推出超多款美食、咖啡、限定啤酒,今次就同大家介紹旗艦店嘅亮點啦!

by HinChing

香港首間Starbucks旗艦店喺銅鑼灣開幕,佔地5,500呎,仲設立咗首個Starbucks® Teavana Bar同Mixology Bar!

starbucks

冷萃雪糕咖啡(左)、麥香雪漾冷萃咖啡 (中)、特濃咖啡馬天尼(右)

旗艦店特別設有Starbucks Reserve™ Coffee Experience Bar,獨家推出6款嶄新嘅咖啡飲品。

除咗飲茶同飲咖啡,仲可以食超吸引嘅All-Day Gourmet Toast,新鮮嘅食材配搭,睇見都流口水!

煙肉德式豬肉腸炒蛋天然酵母麵包。

煙三文魚溏心蛋天然酵母麵包。

牛油果炒蛋天然酵母麵包。

鮮果茶園以多款新鮮水果配搭冰涼嘅Teavana™ 茶底,大家可隨喜好選擇英式紅茶、洛神花茶、薄荷香檸綠茶,同埋白茶。

starbucks,銅鑼灣starbucks

鮮檸薄荷氣泡綠茶糅合清爽薄荷,同埋甘醇綠茶,並注入氣泡,好清涼,岩晒炎夏時飲!

甜品控有福喇,Starbucks旗艦店仲有首次推出嘅pancakes甜點,每日即場新鮮製作,有三款口味,配埋咖啡或者茶,過一個chill chill嘅下午!

焦糖香蕉朱古力鬆餅。

意大利芝士餅忌廉鬆餅。

士多啤梨鬆餅。

沒想過Starbucks也有吧檯吧!Teavana Bar有15款旗艦店限定嘅茶飲,包括5款香港獨家創作之飲品,包你第二度飲唔到!

店中仲有唔少限量商品!黑色冷萃咖啡不鏽鋼保溫瓶及Starbucks Reserve™冷萃咖啡Highball玻璃杯,靚得黎又耐用。

starbucks

旗艦店環境好寬敞,同朋友嚟hea下、食下野,夠晒舒服。

starbucks

窗邊座位一覽街景,同朋友一齊飲住咖啡傾計,寫意又舒服!

地址:銅鑼灣新寧道1號利園三期1樓101-110號舖

LOAD MORE