甜蜜的姊弟戀!鄧麗欣Stephy默認戀王子

甜蜜的姊弟戀!鄧麗欣Stephy默認戀王子

Stephy同前男友方力申拍拖十年分手後,就單身近兩年,早前就傳出同台灣Lollipop成員邱勝翊(王子拍拖,仲有網民喺泰國蘇梅島撞過佢哋一齊度假。當大家都好希望Stephy可以搵到佢嘅幸福之際,Stephy就默認同邱勝翊(王子拍拖,好替佢開心啊!

by anna

Stephy同29歲嘅王子都係同一公司,一早已經熟識,並成為好朋友,後來喺應采兒嘅撮合下,經常一齊食飯,感情日益增多,慢慢發展成為情侶。

Stehphy被問到同王子嘅感情,佢就甜絲絲咁話:「其實感情方面,我想低調處理,因為過往嘅經驗,我認為感情係屬於兩個人嘅,低調係為咗保護感情,希望大家畀啲空間。」

Stephy大過王子5年,不過佢哋都相處得好開心,其實佢哋兩個嘅戀情逐漸浮面,佢哋不時都不避嫌地喺社交平台留言俾對方,不時都有互動,睇得出感情好好,王子亦好愛惜Stephy,而王子今日都有回應到同Stephy嘅感情:「謝謝大家!也請大家給我們一些空間相處。」

早前王子開Show,Stephy都有現身棒場,仲影低王子喺舞台上嘅帥氣樣,王子後來就表示「找女友都係隨緣,最緊要岩傾,要能夠諒解我嘅工作會少啲時間見面。」Stephy嘅事業亦正在衝刺中,二人一齊為工作努力,難怪咁合拍。

網友們知道佢哋相愛嘅消息後,都表示好替Stephy開心!「要一直幸福啊」、「希望王子會好好對待Stephy」、「祝你和王子幸福」,亦有人說話:「覺得王子靚過Stephy」,哈哈!

LOAD MORE