feature

好精緻嘅下午茶!推介4大必試下午茶high tea

好精緻嘅下午茶!推介4大必試下午茶high tea

夏天戶外天氣熱到爆,想同朋友chill下,又唔想出汗,咁就可以一齊去嘆個下午茶,傾下計啦,樣咁開心!今次精選城中多款下午茶套餐,等大家可以約朋友試晒咁多間,邊食邊打卡。


香港港麗酒店 X PAPINEE 童趣奇想下午茶

香港港麗酒店首度同創意社會企業PAPINEE品牌合作,即日起至6月30日期間推出童趣奇想下午茶,以小駿馬嘅遊歷故事為靈感,好夢幻!

下午茶嘅鹹點包括精緻海鮮餡餅、芝士菠菜酥、迷你龍蝦法式軟包、青瓜及忌廉芝士藏紅花三文治卷等美點。不容錯過嘅甜點包括傳統法國歌劇院蛋糕、法式蛋白檸檬撻、黑莓薰衣草慕斯蛋糕等。

隨每下午茶贈送PAPINEE禮品套裝包括故事書、填色明信片、迷你填色筆及童趣貼紙乙份。

香港港麗酒店 X PAPINEE 童趣奇想下午茶

價錢:$518 兩位用,每份包含熱茶、咖啡或特選飲品乙杯。另收加一服務費

供應日期︰即日起至6月30日,下午3時至5時30分

帝京酒店 Lion Rock - FiesTHAI 下午茶

充滿泰式風味嘅FiesTHAI下午茶 ,即日起至7月31日於帝京酒店Lion Rock供應。一系列鹹點用上豐富泰式醬料烹調而成,好惹味,甜點就以多款熱帶水果製成,酸甜可口,再加上特調泰式飲品,可以好好消暑啊!

鹹點推介:冬蔭功醬炸糯米釀雞中翼、迷你青咖喱脆脆蝦肉漢堡、 迷你餐腸粟米肉粒飯。甜點推介:迷你餐腸粟米肉粒飯鬼馬蛋糕 ( 椰子芒果慕絲蛋糕 ) 、斑蘭燉蛋、金不換青芒撻。

真假迷你餐腸粟米肉粒飯(左),Fresh Lime Soda 同埋 Lemongrass Iced Tea(右)

帝京酒店 Lion Rock - FiesTHAI 下午茶

價錢:$468 兩位用 (包兩杯特飲)另收加一服務費

供應日期︰即日起至7月31日,下午3時至6時

香港洲際酒店 X SABON Rosy Love 瑰麗之愛下午茶

香港洲際酒店大堂酒廊,以SABON最新Rosy Love Collection瑰麗之愛限量系列為靈感,製作出多款精緻鹹點同甜品,充滿夏日氣息!

鹹點包括有布拉塔芝士及風乾蕃茄配義大利青醬、烤蝦配酪梨醬、琴費斯醃三文魚蕎麥班戟、法式鴨肝配玫瑰醬、朱古力金球,甜點就有橙花奶油、玫瑰芝士布甸、玫瑰花瓣奶油、檸檬慕絲、草莓奶昔、瓜籽瑪德蓮蛋糕、龍眼枸杞蛋糕、英式原味及葡萄乾鬆餅配伯爵茶啫喱、奶油及玫瑰花瓣果醬。

食完下午茶,仲有SABON禮物送,包捨翠綠玫瑰沐浴油 (30ml)、翠綠玫瑰身體潤膚乳液 (30ml),同埋禮物卡供客人前往SABON香港分店免費體驗手部護理,完成體驗後可獲贈身體磨砂(25ml) 。

SABON x 香港洲際酒店Rosy Love瑰麗之愛下午茶

價錢:$668二人份,另收加一服務費

供應日期:即日起至6月30日,星期一至五下午2時30分至6時;星期六、日及公眾假期下午1時30分至6時

帝京酒店 Lion Rock X HABA 純 ‧ 北海道下午茶

以北海道為主題,炮製一系列日式鹹甜美點!包括有櫻花漬明蝦伴草莓、松葉蟹棒天婦羅、北海道帆立貝雲丹燒、酥炸南蠻雞伴七味醬、風味牛肉壽司卷、迷你札幌薑蓉味噌湯拉麵、北海道蜜瓜慕絲、番薯燒、櫻桃芝士卷蛋糕、北海道南瓜焦糖雞蛋布甸、芝士撻、十勝紅豆綠茶白朱古力慕絲蛋糕。

迷你鬼馬拉麵蛋糕好靚啊!

飲品(左)Health Aid、(右)Beauty Aid。

食完下午茶,仲有小禮物!HABA無添加主義禮品包:鯊烯精華卸妝油(20ml)、VC美白重生露(20ml)、鯊烯美肌清油II (4ml)、RM海洋傾注再生深層水 (7ml,共2包)、RM海洋傾注再生保濕精華 (1ml,共2包)、HABA無添加主義HK$100優惠券乙張。

帝京酒店 Lion Rock X HABA 純 ‧ 北海道下午茶

價錢:$508二人份(包兩杯特飲)另收加一服務費

供應日期:即日起至6月30日下午3時至6時

LOAD MORE