feature

有愛情先叫幸福?請別忘了生命中這5種小確幸

有愛情先叫幸福?請別忘了生命中這5種小確幸

幸福有分好多種:愛情、親情、友情、就連平時生活發生嘅小事都可以係幸福。啲人成日將愛情同幸福掛鈎,咁究竟單身又係咪代表唔幸福?當然唔係,愛情並唔係一切,就算冇愛情滋潤都可以有幸福嘅感覺;又或者再換一個講法,就算有愛情,都未必一定會幸福!繁忙嘅工作加上勞碌嘅社交生活,好多時會令我哋忽略咗身邊嘅小確幸時刻,其實細心觀察你會發現原來幸福可以好簡單!


1. 出門有人送

有愛情先叫幸福?請別忘了生命中這5種小確幸

出門口返工返學嘅時候,會有人同你講句「小心啲呀!」又或者「今晚早啲返!」其實都已經係一件幸福嘅事。家人又好,另一半又好,佢哋都係緊張關心你先會咁講。或者你已經習以為常到會將呢幾句自動filter,但不得不承認有人睇住你出門口係有一種窩心嘅感覺!千祈唔好等到有一日呢個人已經唔係到嘅時候先惜珍惜佢嘅每一句「今晚早啲返嚟飲湯!」

 

2. 有疼愛你嘅朋友

有愛情先叫幸福?請別忘了生命中這5種小確幸

有一個或者幾個真心待你好疼愛你嘅朋友,佢哋並唔係心機婊或者雙面人,亦都唔會「有事鍾無艷無事夏迎春」。而係就算你隔咗一排無搵佢,佢都會主動搵番你,甚至會擔心你係咪有咩事。你一有事,佢哋第一個出嚟陪你幫你,同佢哋相處永遠都係最舒服,最可以做返自己。如果已經遇到呢個朋友,恭喜你搵到小確幸時刻!

 

3. 食到好食嘅嘢

有愛情先叫幸福?請別忘了生命中這5種小確幸

食都你好鍾意嘅嘢食絕對係一件好幸福嘅事!有冇試過曾幾何時突然想食一樣嘢,然後食到之後又一種好滿足嘅感覺。又或者喺無期望下食到出乎意料咁好食嘅嘢,嗰一種開心係打從心底嘅開心,雖然好似係一件小事,但絕對係小確幸時刻!

 

4. 瞓到自然醒

有愛情先叫幸福?請別忘了生命中這5種小確幸

瞓到自然醒呢個情況可以話隨著年紀增長買少見少。好多時就算放假可能都有嘢做,所以都係要較鬧鐘早起;更甚嘅係就算唔較鬧鐘,竟然會識自己醒,想瞓耐啲都唔得;到去旅行,可能都係要早起趕行程。所以如果你可以瞓到自然醒,記住要好好珍惜,因為呢個小確幸時刻會悄悄的溜走。

5. 放假遇上好天氣

有愛情先叫幸福?請別忘了生命中這5種小確幸

啲人話天氣好心情就會好,咁如果放假再遇上好天氣,心情一定會好到爆炸。如果放假落雨就冇得出街,一係就留係屋企,一係就去行街睇戲。難得放假,梗係想出去呼吸吓新鮮空氣,所以又點少得好天氣呢?但係呢,歌都有得唱「天氣不似預期於」,天氣呢啲嘢冇得控制嘅,所以放假遇上好天氣絕對會係小確幸moment!

LOAD MORE