識食一定食芋圓!推介4間台式芋圓甜品店

識食一定食芋圓!推介4間台式芋圓甜品店

去台灣一定要食嘅台式芋圓,最近紅到嚟香港啦,唔少台式食品店、甜品店,都加入芋圓、地瓜圓,香港人有口福了!


今次CG! 推介4間好食嘅芋圓甜品俾大家,睇完就去試啦!

1.康瑞涼茶

康瑞涼茶向來都人氣好高,唔少芋圓控都會遠道而來一試佢哋嘅芋圓。最初初嘅時候,康瑞涼茶就只有涼茶供應,之前仲係喺中醫館入面嘅,而上年就搬離咗中醫館,店舖變得大咗,可以容納到更加多嘅客人。

糖水款式有13款,以中式糖水多主,價格就大約係$20-$25,好抵食!糖水包括有特式仙草百配、桂棗雪耳湯、紅豆沙、綠豆沙、椰汁西米露,而大部分糖水都可以根據客人嘅口味,再配搭芋圓、地瓜圓和小丸子。

人氣糖水就有特式仙草百配($25),材料豐富,可以一次過滿足晒吃貨嘅胃口。特式仙草百配內有再配搭芋圓、地瓜圓、小丸子、西米露、紅豆、薏米同仙草,$25一大碗,唔怪得學生們都好喜歡!

特式仙草百配 $25

特式仙草百配 $25

而小編就特別推介女生們揀暖胃姜汁配芋圓、地瓜圓($25),養生嘅姜汁好岩女生食,尤其係而家冬天嘅時候,可以暖一暖胃,飲完好舒服,又唔會太甜,加埋煙韌嘅芋圓,正啊!

姜汁配芋圓、地瓜圓($25)

康瑞涼茶嘅芋圓地瓜圓味道分明,而且唔會太硬又唔會好軟,口感煙韌,配埋健康養生嘅糖水,岩晒愛靚一族嘅口味。

地址:深水埗荔枝角323號地舖
電話:9034 3832
營業時間:16:00-00:30

2. 長洲冰室

長洲係唔少港人假日都愛去嘅地方,除咗食大大粒魚蛋、海鮮,同埋芒果燸米糍之外,最近有一間新開嘅糖水舖,都係一定要去架!

長洲冰室以簡約嘅裝潢吸引唔少文青去打卡,但睇一睇menu,就會發現有好多好正嘅甜品,從此又多一個美食點要去喇。

長洲冰室有手工芋圓、傳統糖水、剉冰同埋特式甜品,識食一定係食佢哋嘅手工芋圓,特別有咬口,配上唔同嘅糖水,如仙草、桂花、豆花等,一試愛上啊!

必試嘅有泰式奶茶三色圓($43)有芋圓、地瓜圓、紫薯圓、蜜紅豆、泰式奶茶、雲呢拿雪糕。

仲會有一小杯熱茶中和返,好貼心。

另外抹茶厥餅($28)同芝麻花生三色圓($18)都值得一試,煙煙韌韌嘅芋圓唔錯架!

綜合仙草三色圓 $28

桂花酒釀三色圓 $28

店入面仲有好多雲石枱同乾花,食甜品之前可以影張靚相先。

地址:長洲北社海旁19C號地下
電話:23469831
營業時間:13:00-23:00

3. 甜圓坊

位於深水埗嘅甜圓坊有台式食物如滷肉飯、香酥排骨飯、珍珠奶茶,推介佢哋嘅芋圓甜品,由老闆娘每日早上新鮮手工製成嘅,味道唔錯。

推介嘅有招牌綜合剉冰($30),好豐富嘅甜品,有齊地瓜圓、芋圓、西米、薏米、珍珠、小丸子、紅豆同埋仙草,鍾意食冰嘅朋友就要試喇,啖啖滿足感,而芋圓口感亦都唔錯,香濃嘅芋頭味同埋蕃薯味,煙煙韌韌一啲都唔粉架。

招牌綜合剉冰 $30

唔想食冰嘅,就可以揀嫩仙芋奶凍($25)都包含咗芋圓、地瓜圓同埋湯圓,夠晒豐富!

嫩仙芋奶凍 $25

地址:深水埗基隆街205號地下
電話:23679555
營業時間:12:00-23:00(星期二休息)

4. 龍鳳號

呢間古早味台灣店除咗有魯肉飯、大大件炸雞髀、擔仔麵同香酥排骨外,仲布甜品都要試架,最岩就同一大班朋友食飯加嘆甜品,可以一齊share食!

甜品有黑糖刨冰($42),可以自行配搭組合,包括有仙草凍、小丸子、珍珠粉圓、紅豆、綠豆、椰果、蘆薈粒、爆爆珠、手工芋圓同埋手工地瓜圓,任選兩款配料加入刨冰中,另加配料就每款加$6。

黑糖刨冰 $42

另外仲有燒仙草($38),內有手工芋圓、手工地瓜圓同埋仙草,仙草味道唔太甜,岩岩好,仲有少少草藥味,配埋芋圓一齊食,味道豐富!

燒仙草($38)

地址:觀塘駿業街56號中海日升中心2樓2B號舖
電話: 23500608
營業時間:11:00-22:00

LOAD MORE