第九位：經常發脾氣
發脾氣並唔係解決問題嘅方法，女孩子久唔久發一兩次脾氣，男朋友都話因為錫你所以氹返你。但如果經常發脾氣，又或者每次都因為好小事發脾氣嘅話，實在叫人身心疲累。啲人成日都話「娶妻求淑婦」，試問你成日發脾氣又點做到淑婦？
第八位：豪門千金
如果背景太過懸殊，要磨合係一件十分困難嘅事。根本就係兩個唔同世界嘅人，由生活習慣，價值觀，以至目標都南轅北轍，又點可以過人世。或者「竹門對竹門，木門對木門」由始至終都係啱。
第七位：只顧自己
太過自我中心嘅女生都俾選為「不想娶」。要當一個好老婆，最基本要關心愛護老公及其家人，試問男生又點會敢娶一個只顧自己嘅女仔過門。
第六位：極痴身
好多女孩子都喜歡每分每秒都痴住男朋友，但原來喺男仔嘅角度會覺得冇晒私人空間。好多時就連想自己靜靜地打機，或者同一班朋友飲嘢踢波都要比女朋友過問或者反對，會有一種無形嘅壓力。
第五位：控制慾強
呢類型嘅女生通常都係缺乏安全感，所以變成控制慾極強。郁啲就呷醋，又經常疑神疑鬼，男生會覺得娶過門係自掘墳墓。如果拍拖時已經控制慾極強，結婚後就會變成另一個媽媽，乜都要管！
第四位：欠債
同你結婚咪要幫你還債？自己嘅蘇州屎都係自己搞掂比較好，加上欠債只會反映出你理財有問題，試問結婚後屋企條數又點放心俾你睇？
第三位：公主病
一個好老婆（照常理）係應該打點好家頭細務，公主病女生個性傲嬌，乜都唔肯做之餘，仲要鍾意點人做嘢。已經無溫柔體貼，仲要全世界圍住你轉，唔好話做老婆呀，隨時做女朋友都未必做得耐。
第二位：陋習一大堆
並唔係話唔可以食煙飲酒，但去到有得選擇時，男生都偏向挑選「乖乖女」做老婆。又煙又酒又蒲嘅女仔一齊玩或者好開心，但講到做老婆原來好多男仔嘅思想都依然好傳統。
第一位：拜金
拜金女被男生嚴選為「不想娶」女生第一位！結婚之後嘅生活都係要兩個人共同承擔，有福同享，有難同當，一齊為未來努力。但係拜金女開口埋口都係錢，又過份追求物質生活實在是令男生卻步。先唔講有無能力養你（你下下都要名牌做禮物），太過拜金勢利嘅女生絕對唔係GF-able，你究竟係鍾意我啲錢定鍾意我個人？
