feature

每天愛你多一點!早上注意這5個小細節讓感情更長久

每天愛你多一點!早上注意這5個小細節讓感情更長久

情侶一齊得耐感情少不免會變淡,由以往嘅甜蜜激情變成依家老夫老妻階段。不少情侶都經唔起呢個火花激情遞減嘅階段而最終分道揚鑣,究竟點樣先可以讓愛情歷久常新甜蜜如初?其實維持愛情嘅方法都好簡單,只要每天早上做呢5件事,就能讓兩人愛情走向長長久久!

by COSMO

1. 提早一點起床

每天愛你多一點!早上注意這5個小細節讓感情更長久

每日提早15分鐘起身,用呢15分鐘好好跟伴侶相處一下。無論係親熱、擁抱、接吻,定係分享每日工作事項都得!不少同居嘅伴侶因為太了解另一半嘅習慣同工作日常,所以溝通會愈嚟愈少,因為缺乏溝通令最親密嘅人有機會慢慢變成只係一齊住嘅同屋主。不如試吓每日早15分鐘起身,利用呢15分鐘好好了解下對方嘅心情同現況呀!

 

2.為另一半煮早餐

每天愛你多一點!早上注意這5個小細節讓感情更長久

如果醒咗不如考慮下為另一半買或者整個愛心早餐呀!唔係話要日日整嘅,但久唔久一次都真係幾窩心㗎!試想像一下,你瞓醒之後有一份愛心早餐預備好喺你面前,係你伴侶專登整或者買嘅,真係sweet到爆!

 

3.愛的便條

每天愛你多一點!早上注意這5個小細節讓感情更長久

就算兩個人返工時間差好多,可能一起身另一半已經出咗門口嘅話,可以喺出門前喺枱面留下一張愛的小紙條,就算係簡單一句「工作加油」定係「記得食早餐」都好,用你嘅創意製作每日都不一樣嘅愛心便條,維持兩人間的感情。

 

4. 為他挑選今天服裝

每天愛你多一點!早上注意這5個小細節讓感情更長久

唔一定要日日都幫另一半襯衫嘅,如果咁啱係date night或者紀念日嘅話,咪幫佢嘅造型出啲主意,嚟個甜蜜又可愛嘅情侶穿搭,亦都可以為平凡嘅日子增加啲情趣!

 

5. 「我愛你」

每天愛你多一點!早上注意這5個小細節讓感情更長久

好簡單嘅三個字,但其實威力好大!每日臨出門嘅時候記住同另一半講句:「我愛你」去表達愛意。千祈唔好以為穩定咗就可以懶,其實每一返工之前聽到另一半同自己講句「Love You」或者「愛你唷」都依然會好sweet!

 

LOAD MORE