feature

一輩子不要放開!生命中不可或缺的3種閨密

一輩子不要放開!生命中不可或缺的3種閨密

由中學到大學到出黎做野,你會發現朋友仔儲埋儲埋可能會有一大班,但稱得上閨密甚至好朋友可能寥寥可數,隨時一隻手都數得哂。有啲朋友你以為佢哋會陪你一世,但點知起轉頭人間蒸發咗;相反,有啲朋友你從來冇諗過會喺你生活停留咁耐,但最後竟然幫咗你好多,仲變埋閨密。而喺云云咁多種閨密當中,有3種閨密如果你遇到了,就記住唔好放手,因為佢哋係真心對你好㗎!


1. 男朋友型

一輩子不要放開!生命中不可或缺的3種閨密

男朋友型嘅閨密通常都係你最好嘅朋友,你事無大小都會想同佢分享,佢又會將生活嘅瑣碎事話你知。講得係男朋友型,即係當你開心唔開心佢都會係你身邊陪你笑陪你喊。佢疼愛你嘅程度絕對唔會比你真嘅男朋友遜色:每日text、成日見、去對方屋企過夜、甚至一齊去旅行呢啲簡直係家常便飯!

對住呢個男朋友型嘅閨密,你甚至會好放心同佢講一啲你唔敢同男朋友講嘅嘢,因為你對佢有絕對嘅信任,亦都相信佢會提供到有建設性嘅comment!總之一句講晒:有嘢又搵佢,無嘢都搵佢!佢就係你生活嘅一部分!

 

2. 訓導老師型

一輩子不要放開!生命中不可或缺的3種閨密

有一個溺愛男友型嘅閨密,當然唔少得一個會對你惡會鬧醒你嘅閨密,我會稱呢類閨密做訓導老師型。佢哋永遠都會喺你就撞板嘅時候鬧醒你,佢哋敢講啲其他人未必敢講嘅嘢,雖然未必係好聽,但係絕對係語重心長為你好。

有時如果做唔到決定,又或者覺得自己即將做嘅決定係錯嘅時候,不妨搵佢哋傾下。挑通眼眉同乜都唔怕講嘅佢哋可能會幫到你!

 

3. 爸爸型

一輩子不要放開!生命中不可或缺的3種閨密

爸爸型嘅閨密係指男閨密,要成為爸爸型當然唔係逢男仔都做到!叫得爸爸型,當然要好似爸爸咁關心你、擔心你、同照顧你,但你同佢絕對唔過電。呢種爸爸型嘅男閨密永遠都可以俾到你最好嘅愛情建議,因為佢會企喺男仔嘅角度分析比你聽男仔點諗。

然後見到你幸福,佢都會衷心替你開心;見到你搵到一個真正對你好嘅人,佢都會好似爸爸咁老懷安慰,周不時仲會噓寒問暖,關心你生活嘅瑣碎事。

 

LOAD MORE