editing

時間沖淡傷痛,只係一個傳說?

時間沖淡傷痛,只係一個傳說?

個個都話時間可以沖淡一切,真係咁簡單咩?之前紐約Binghamton University同倫敦University College London做咗一項研究,一共訪問來自96個國家、5705位參加者,要求為佢哋上一段嘅分手經驗進行評分:1分係完全唔痛,10係痛徹心扉。

by AhGrass

時間沖淡傷痛,只係一個傳說?

結果發現,女人喺分手時遭遇嘅痛楚大多都比男人強烈,但隨住時間過去,女人通常都可以完全復原。而男人雖然表面上冇乜痛楚,但失落嘅感覺會越來越強烈,甚至一世都走唔出陰影。因為男人相信,已經失去嘅遺憾,係換上任何人都永遠彌補唔到。

時間沖淡傷痛,只係一個傳說?

點解有啲痛苦唔會喺表面流露,反而隨住時間變得強烈?好大嘅原因,係因為當我哋從長期嘅親密關係裡面分離出嚟時,會打破同埋改變我哋對「自我」嘅概念。隨住兩個人一齊嘅時間越來越長,大家嘅自我意識會不自覺糾纏,甚至成為對方人際交往系統嘅一部份,透過彼此去填補各自嘅自我認知。

時間沖淡傷痛,只係一個傳說?

簡單嚟講,即係情侶會潛移默化地改變,不自覺同對方交換習慣、性格、喜好,甚至係人生觀、價值觀等等。久而久之,自己同對方嘅一切就會慢慢被同化。當關係結束嘅時候,你唔單止係失去咗一個戀人,更係失去咗一部份嘅自己。咁樣亦解釋得到,點解有啲人分手後會失去自我,甚至搵唔返原本嘅自己!

時間沖淡傷痛,只係一個傳說?

其實對大腦而言,心理同生理嘅傷痛其實冇乜大分別。美國University of Michigan曾經做過一項 (幾變態嘅)研究,研究員要求參加者觀看舊愛嘅照片,然後為佢哋做腦部磁性共振掃描。實驗證明,心理創傷同生理燒傷嘅腦部活躍區域都係一致,都係咁痛......
所以話,每一個睇落堅強嘅人背後,都可能隱藏住巨大嘅傷痛,下次真係唔好隨便挖人瘡疤喇 !

LOAD MORE