打開心眼睇清楚!破壞王隊員嘅5大習慣

打開心眼睇清楚!破壞王隊員嘅5大習慣

新一年來臨,趕快喺團隊中找出累人累物嘅自私隊員,盡快去舊迎新或搵方法管理佢哋,唔好俾佢哋繼續破壞團隊精神同削弱做事嘅成果!

by juju

解救:唔好俾呢啲寄生蟲拖垮成個團隊,要求返佢做好本份,唔好怕煩怕唔好意思,唔好俾佢take it for granted!

壞習慣1:藉口多多

佢成日為自己嘅不足搵藉口,同時怨人哋累佢,仲會賴人阻佢成功、唔俾機會佢、唔公平、人哋唔鍾意佢,而永遠睇唔到佢得唔到嗰啲嘢係因為佢自己無努力、工作態度惡劣。

壞習慣2:想用最少時間攞最大回報

就算俾佢加入咗隊最強嘅team,佢都唔會努力,淨係想攞盡隊team帶嚟嘅著數、威風,而唔會將個人進步擺响第一位,成日想付出最少、交行貨過骨就算,舉個例,通常一啲無重要人物出現嘅會議/聚會/練習,佢唔會嚟,但如果有,佢點都會亮一亮相。呢啲人永遠唔會inspire到身邊其他人,仲會造成嚴重傷害。

壞習慣3:成日都「好似」好攰好忙咁款

佢唔會為團隊付出多啲,亦唔會為團隊著想,乜都以個人利益先行,有額外嘢要大家一齊博,佢十次有九次都係「有事」、「約咗人」、「唔舒服」。懶,係佢一大特徵,佢甚至乎會拉攏一兩個隊員一齊hea做,搞散士氣。

壞習慣4:佢唔會戥同伴高興

如果隊友得到成功,有人唔會戥佢開心,因為嗰個人唔會睇到隊友成功都係自己/team嘅成功,呢個就係警號!佢哋有時都會戥人開心,但通常只限對佢無威脅、唔會搶到佢光環嘅人。

壞習慣5:自我中心

佢成日計較,將個人利益放喺全隊利益之上,又時時要求其他人幫佢解決問題、佢鍾意努力時先努力,甚至乎去到一個地步嫌棄呢個團隊,對其他人無晒尊重,佢淨係顧自己感受、自己想點就點,佢字典裏面無「忠心」、「犧牲」、「感恩」,就算把口咁講,都只係自我感覺良好嘅口號。

LOAD MORE