editing

騙徒手法層出不窮!狗公大解構:如何引誘女生走進愛情陷阱?

騙徒手法層出不窮!狗公大解構:如何引誘女生走進愛情陷阱?

香港地雖然女多男少,但女仔嚟講,只要你個樣唔太差,身材唔太極端,或者唔係有交際問題,基本上你都有機會遇過狗公。雖然好多女人都遇到狗公,但唔係個個都有機會俾狗公Flirt過 (都唔知係好事定唔好事),所以今次不如講下狗公點Flirt女。

by AhGrass

騙徒手法層出不窮!狗公大解構:如何引誘女生走進愛情陷阱?

溝女固然有好多嘢可以做:送花、送手袋、揸車接送......唔同身家嘅男人,有唔同嘅送禮層次。但大家需要知道,做狗公並唔係高富帥嘅專利;用錢嚟氹女落搭,極其量只係用錢買女女,實情係低級狗公。橫觀市面上好多食女嘅人,其實都係冇乜錢、食軟飯、奇貌不揚;在小弟而言,呢啲先係真正高手。究竟佢哋係點樣引女上釣?

 

騙徒手法層出不窮!狗公大解構:如何引誘女生走進愛情陷阱?

高級狗公有個共通點,就係把口好叻。無論係面對面,抑或用文字溝通,都可以不知不覺間將女女玩弄於股掌之中,而家我哋一齊嚟睇睇騙徒嘅手法:

 

《一》外表開朗、內心孤獨

騙徒手法層出不窮!狗公大解構:如何引誘女生走進愛情陷阱?

唔係話有以上特徵嘅人都係狗公,不過好多時狗公都會營造出以上感覺。喺一大群朋友入面,識得搞笑搞氣氛,往往都可以成為女仔眼中嘅風頭躉。得到女生注意之後,喺更深入嘅對話之中,慢慢透露出孤獨、落寞嘅氣息;對比表面開朗嘅性格,反差嘅感覺往往可以令女生加倍同情,想了解多啲佢哋嘅故事,無意中墮入咗狗公嘅(虛假)故事當中。

 

《二》講啲唔講啲

騙徒手法層出不窮!狗公大解構:如何引誘女生走進愛情陷阱?

出色嘅狗公,唔會將自己嘅孤獨一次過講晒出嚟,而係會逐啲逐啲、好似擠牙膏咁放料畀你。咁做有三個好處,第一係可以顯得更傷心,因為一次過自爆成個故仔嘅感覺太假,傷心嘅人理論上亦唔應該太清醒、而且故事容易有Bug;第二係編寫故事嘅時候,可以藉住你嘅提問,填補返故事嘅Bug位。

 

騙徒手法層出不窮!狗公大解構:如何引誘女生走進愛情陷阱?

第三個好處亦係最重要,就係可以吊癮。溝女嚟講,無非都係Supply And Demand嘅問題;當女仔未有Demand,男人就一次過賣晒故事出去,根本就係過度Supply。但當狗公燃點起你嘅好奇心,吊癮嘅感覺就相當難受,一直需要有男人嘅Supply、聽到故事嘅下一集先舒服。不過呢個時候,狗公當然已經暗中放出新線索,好似煲劇咁樣,繼續吊你癮。同煲劇唔同嘅係,正當女仔以為自己成功旁敲側擊,慢慢窺探男人嘅內心,原來已經暗暗墮入狗公嘅圈套。

 

騙徒手法層出不窮!狗公大解構:如何引誘女生走進愛情陷阱?

呃蝦條方法有太多,一篇文自然講唔晒。下次我哋將會Focus喺女生嘅弱點,再解構狗公點樣描準呢啲弱點並且進行攻擊。下回再續!

 

LOAD MORE