感情昇溫法!同男朋友去旅行時愛愛

每逢年尾年頭,都係大家出走去旅行叉電嘅時候,難得同另一半一齊,唔多唔少會對床上玩遊戲方面有多啲幻想!

by juju

同另一半去外地,情到濃時會更加想要,唔想去到失望,就要出發前作好準備!

1. 把握時機:

平時親密行為大多數都係喺夜晚進行,人在外地relax,不妨諗下轉時段,因為你哋日頭可能都已經shopping、爬山、滑雪、跳傘等等上山下海玩足一日,夜晚返到酒店都會幾攰下,不妨考慮喺晚上以外嘅時段做,可能又有另一番體驗。Btw,行程編排唔好咁密,把握時機去玩之餘,都要把握時機俾大家享受親密時刻!

2. 唔好傷和氣:

如果你哋平時都會為啲小事吵下嘴,就算去咗渡假天堂,呢啲小習慣都未必會瞬間消失,唔想破壞興緻,一發現自己喺旅途中有啲忟忟哋時,先諗下係咪攰喇?係咪肚餓?然後搵機會坐低休息下、飲杯茶,甚至恰一恰。有咩要認真傾嘅,旅程後返咗屋企先慢慢處理。

3. 實驗精神:

好好利用喺外地嘅優勢,無論你係去天氣凍或熱嘅地方,都可以乘住溫度去設計你哋嘅小遊戲,如果陽光與海灘,就攞塊冰或一杯冰水嚟刺激下對方;如果係去咗冰天雪地,就用暖油按摩、房間內嘅暖氣等去製造感觀享受。想增加刺激度,簡單搵塊布矇住雙眼就已經有效果!

4. 預備應急品:

除咗置返件性感比堅尼、驚喜睡衣之外,一啲唔係咁浪漫嘅嘢都好重要,例如安全措施所需品、M巾、棉條、清潔下體嘅藥品等,以備不時之需,無謂到時人地生疏仲要花時間四圍去搵。

LOAD MORE