尖沙咀夢幻CAFE!同閨密一齊去嘆摩天輪下午茶

尖沙咀夢幻CAFE!同閨密一齊去嘆摩天輪下午茶

係香港想搵個地方食好啲,嘆下Tea?尖沙咀就有間樓上Cafe,有精緻好味嘅鹹甜小食幫你醫肚之餘,仲有好多影靚相嘅打卡位添!

by Shan

cafe, 好去處,尖沙咀

童心滿滿嘅Tea set勁靚啊!以一系列夢幻嘅童話式馬戲團公仔做主題,影相一流。

/

美食包捨有士多啤梨馬卡龍、香蕉芝士餅、士多啤梨泡芙、士多啤梨配朱古力夾心拿破崙,朱古力撻等等。而鹹點就有迷你漢堡包、特色香腸、炸雞球,香脆炸薯條。食物用摩天輪載住,好浪漫啊!

必食嘅仲有呢個梳乎厘奄列配士多啤梨忌廉($68),非常有水準,梳乎厘好厚身,口感鬆軟,中間仲有少少流心架!

White Button最近就同英國品牌RIMMEL合作,推出期間限定嘅「Free Your Skin Tea Set」($398),供應至到4月2號,當中食物非常豐富,份量好足!

/

美食有精緻嘅士多啤梨馬卡龍、香蕉芝士餅、士多啤梨撻,香脆可口嘅英式朱古力曲奇、英式炸魚、士多啤梨慕絲配空氣感十足嘅綿花糖、粉紅色玫瑰鬆餅,啖啖都充滿玫瑰芳香,仲有迷你漢堡包、香脆炸薯條配黑松露醬。

而家凡惠顧一次「Free Your Skin Tea Set」,仲可以免費得到RIMMEL親肌透膚持久粉底液嘅試用裝,姊妹們有得食仲有得拎添啊!

/

White Button 空間舒適寬敞,不時仲會播吓音樂好有情調。佈置非常有心思,有好多歐陸風格嘅擺設,油畫。到處都影到靚相,店內仲特別設計咗一個有霓虹燈字句同圖案嘅空間,啱哂要打卡嘅朋友!

White Button Café
地址: 尖沙咀亞士厘道23號雅士利中心12樓
電話: 23719998
營業時間: 12:00–22:00

LOAD MORE