editing

愛情生活與夢想,是可以並存,還是該如何抉擇?

愛情生活與夢想,是可以並存,還是該如何抉擇?

話說尋日食Lunch嘅時候,心血來潮打開Youtube想聽音樂,機緣巧合之下居然撳出咗Supper Moment嘅《最後晚餐 (acoustic version)》出嚟。睇到重新編曲配上同Disney•Pixar合作嘅新版MV,忍唔住睇到眼濕濕,趁住放工時間,立刻將《沖天救兵》重新再睇一次。


愛情生活與夢想,是可以並存,還是該如何抉擇?

《沖天救兵》表面上係一套卡通片:識飛嘅屋仔、識講嘢嘅戇狗狗,相信小朋友一定睇得好開心。但如果有返咁上下年紀,曾經擁有過、深愛過、失去過,你可能已經喊到收唔到聲。

愛情生活與夢想,是可以並存,還是該如何抉擇?

故事一開始,講述Carl伯伯小時候同老婆Ellie認識嘅點滴:大家都有同樣嘅興趣、同樣嘅夢想,希望有生之年可以一齊去天堂瀑布探險。就好似我哋年輕熱戀嘅時候,對愛情有好多憧憬,仲未知道咩叫責任、下巴輕輕就許下好多承諾:一齊出走去旅行、一齊開Cafe、生一隊足球隊......然後一齊到老。

愛情生活與夢想,是可以並存,還是該如何抉擇?

年輕嘅時候大家只有夢想,尚未需要為未來憂愁。隨著年月過去,我哋都好似Carl同Ellie一樣,要買車供樓、為生活放下曾經嘅夢想。昔日嘅甜蜜承諾,竟然變成他日嘅遺憾。

愛情生活與夢想,是可以並存,還是該如何抉擇?

Carl同Ellie一日一日老去,Carl突然醒起年輕時嘅夢想,終於買好機票諗住同Ellie去一次終極探險,但年邁嘅Ellie已經臥病不起,不久離開人世。之後嘅故事大家都知,Carl用氫氣球升起屋仔,然後同肥仔Russell飛去天堂瀑布,打算完成Ellie嘅遺願。歷險過程雖然有趣,但終究打唔進人心,都係留返畀小朋友笑下算,在此不再詳述。

愛情生活與夢想,是可以並存,還是該如何抉擇?

反而比較深刻嘅位,係Carl到達天堂瀑布之後,心裡反而湧現一陣空虛感。目標已經達成,但然後呢?最愛嘅人已經唔喺身邊,咁仲算唔算完成夢想?此時此刻,Carl打開Ellie留低嘅Adventure Book,發現原本用嚟撰寫探險日記嘅空白頁,全部都已經貼上兩夫妻嘅生活點滴,答案已經揭曉。

愛情生活與夢想,是可以並存,還是該如何抉擇?

原來對Ellie嚟講,所謂嘅探險、天堂瀑布都一早已經唔再重要。真正嘅旅程,莫過於搵到一個自己鍾愛嘅人,然後一齊踏實生活、實在咁度過每一日。原來只要同愛人好好生活,夢想已經喺默默之中,一步一步地實踐,只係我哋仲未有足夠歷練去了解、去證明一份愛。少啲埋怨對方冇錢同你旅行,少啲追究對方冇趁特價買手袋畀你,好好愛惜肯為你著想嘅人已係最重要。

愛情生活與夢想,是可以並存,還是該如何抉擇?

Ellie喺最後一頁,特別感謝Carl帶畀佢一段精彩人生旅程;呢下猶如當頭棒喝,我哋每日用咗幾多時間沉醉於回憶?用咗幾多光陰去幻想追唔返嘅往事?過去嘅人雖然唔想忘記,但總唔能夠為守護回憶而封閉未來。

愛情生活與夢想,是可以並存,還是該如何抉擇?

最後一個深刻位,係肥仔Russell嘅一句對白:「不知道為什麼,最後記得的都是些無聊的事」無論對未來有幾多憧憬、夢想有幾高幾遠,生活始終係踏實嘅。就算你鐘意旅行、行山,但每日始終都要買餸煮飯、洗衫打掃......仲有好多生活上所謂嘅無聊事。所以,與其懊惱生活阻礙夢想,不如先珍惜嗰個願意犧牲自己時間,去為你做無聊嘢嘅人。
「人無法走過每天,為求沒有帶著遺憾活到終點。」

LOAD MORE