feature

超吸睛蛋糕!3間打卡必選IG高質蛋糕店

超吸睛蛋糕!3間打卡必選IG高質蛋糕店

一年總有幾次買蛋糕慶生嘅日子,上網買又驚貨不對辦,但又唔想次次都去連鎖西餅店?其實網店都有好多又有心思又吸睛嘅選擇,包壽星公壽星女一定驚喜滿分!等小編為大家介紹幾間高質IG蛋糕店啦!


簡約系文青首選:byj.hk

呢間蛋糕店最出名就係佢嘅華麗鏡面蛋糕,蛋糕師傅堅持每一個鏡面蛋糕嘅色彩圖案都係獨一無二唔會重複,務求令收到嘅人擁有一個屬於自己嘅蛋糕。蛋糕除咗好上鏡,其實仲好好食,因為蛋糕嘅內餡係用咗軟身cheesecake配脆餅底,顧客絕對唔使擔心蛋糕得個樣!咁多個蛋糕當中「墨.曲」同「倒影星塵」兩款最受fans歡迎。

▲墨.曲 黑白灰雲石嘅花紋係本店嘅大熱

▲倒影星塵 夢幻星空嘅圖案深受男顧客歡迎

霸氣型格首選:amaiworkshop

如果想要一個好霸氣或者好fancy嘅蛋糕,呢間網店絕對係top pick。蛋糕嘅裝飾擺設可以話係別出心裁,除咗有霓虹燈、燈牌、玫瑰花同氣球之外,仿氣球嘅狗狗擺設都好受歡迎,打卡影相一流!

▲霓虹燈蛋糕喺熄咗燈之後仲會發光

▲仿氣球嘅狗狗擺設加埋氣球,吸睛度100分! 

可愛萌爆首選:rabbit_cakes

呢間舖頭主打cutecute糖皮蛋糕,五顏六色嘅糖皮加埋趣緻可愛嘅公仔擺設簡直令人少女心爆發。由蛋糕到裝飾再到公仔擺設都係店主一手包辦,你落單嘅時候要先同店主講想要蛋糕咩造型公仔同圖案,然後店主就會先手繪一幅概念圖比你,如果冇問題到時製成品就會一模一樣㗎啦!

▲因為超級可愛嘅蛋糕造型,所以好多人都搵店主整百日宴蛋糕

▲當然都唔少得生日蛋糕啦,送俾閨密就最好不過!

LOAD MORE