feature

單身並不可怕!給單身女生的7個建議

單身並不可怕!給單身女生的7個建議

熱戀時嘅山盟海誓,講過會愛對方一生一世,但試問去到最後又有幾多對可以愛到白頭到老,牽手一路走落去?親愛的,上天要你結束一段關係並唔係要沒收你嘅幸福,而係心痛你愛上錯的人。經歷分手絕對唔洗覺得絕望,今日小編就為單身女生提供7個建議,希望可以幫單身女生中嘅各位成為更好嘅人!

by COSMO

1. 千祈唔好「搵水泡」

單身並不可怕!給單身女生的7個建議

女仔啱啱分手,心靈十分寂寞脆弱呢個階段,對某啲男仔嚟講就係乘虛而入噓寒問暖嘅最好時機。佢哋追你嘅時候一定係花盡心思,但記住千祈唔好因為寂寞而求其搵人拍拖,然後最尾曖昧不清。就算你真係鍾意呢個乘虛而入嘅男仔,記住喺佢陪你渡過傷心期之後,搞清楚你係唔係真係鍾意佢,定係只想有人陪。

 

2. 唔好因為失戀而自甘墮落

單身並不可怕!給單身女生的7個建議

失戀傷心去飲杯嘢同朋友談吓心係可以理解,但千祈唔好走向極端,每晚都飲到爛醉,甚至去紋身吸毒或者亂同人發生關係!要知道喺期望別人愛你之前,先要好好愛自己,就算再傷心都好,都唔好因為寂寞痛心而放棄自己!

3. 深夜最好避免刷手機

單身並不可怕!給單身女生的7個建議

夜闌人靜嘅時候總係特別容易胡思亂想或想起往事。啱啱分手嘅你深夜嘅時候就盡量避免玩手機啦,一陣見到前度更新近況又或者翻到舊合照,傷心嘅就只有自己。深夜冇嘢做就乖乖去瞓覺,聽日瞓醒又係新一天!

4. 讓自己變得優秀

單身並不可怕!給單身女生的7個建議

同另一半分手係一個好好嘅時機讓你諗吓除咗愛情之外仲有咩目標。生命唔係淨係剩下愛情嘅,仲有親情、友情、工作......仲有好多嘢值得你去努力!不如襯呢段時間好好裝備一吓自己,去上吓興趣班又或者做吓運動開展健康生活!

 

5. 嘗試享受一個人的浪漫

單身並不可怕!給單身女生的7個建議

冇咗男朋友都一樣可以活得精彩!不如去試吓做啲平時你淨係會同佢做嘅嘢,好似好旅行、行山、送禮物畀自己、甚至一個人去睇戲!你會漸漸發現原來好多嘢自己一個都可以做,更重要嘅係,當你一個人生活都可以過得開心嘅時候,愛情都只不過係可有可無,就算下次再分手都唔會好似今次咁痛!

 

6. 在適當時候將生活清零

單身並不可怕!給單身女生的7個建議

小編明白有啲回憶係你永遠都會記住,但當你永遠都比某啲回憶束縛住嘅時候,你一定唔會走得遠,甚至好難move on!有啲唔會再聯繫嘅人,又或者唔想見到嘅聊天對話同照片就好好將佢哋刪除。

7. 唔好因為曾被傷害而放棄

單身並不可怕!給單身女生的7個建議

或者你曾經被人傷害,甚至遇人不淑被欺騙利用,但千祈唔好放棄愛情,你只係未遇到懂得真正疼愛你嘅人。女孩子啊,絕對唔值得為一個人而討厭愛情,討厭自己,甚至討厭世界,相信我,你最終都會遇上對的人,遇上一個懂得真心真意愛你的人!

LOAD MORE