動物系男友的吵架和好方式，你家男友是哪一種？

無論情侶定夫妻都好，爭執吵架在所難免，咪又係床頭打交床尾和！好多時嗌交嘅內容更加係極級無聊，莫非都係想對方關心緊張自己多啲！和好嘅方式有好多種，唔知以下呢幾種動物系男友吵架和好方式邊種最得你歡心？你家寶貝又屬於邊種呢？

1. 獅子系

獅子系男友顧名思義有著獅子嘅特質，平時大男人超霸氣，去到吵架道歉都要keep返霸氣。霸氣哥要超威風咁講啲肉麻嘅嘢，好似「呢度所有嘢你都可以帶走，但你係我嘅，所以唔可以帶走！」超級獅子系男友更會出動撩妹金句，或者嚟個壁咚，令到怒火中燒嘅女朋友瞬間sweet爆！

2. 熊系

熊系男友比獅子系男友更識氹女朋友，因為佢哋唔係淨係識得用語言撩妹，仲會採取行動！突然嚟一個背後熊抱，抱著唔好放！呢一種突如其來嘅霸氣一定殺你一個措手不及，一定可以令女朋友怦然心動！

3. 犬系

顧名思義好痴人，犬系男友對你無條件忠心耿耿，你去到邊佢會陪你去到邊，仲超識嗲你！為咗令你下咗啖氣會用無辜嘅眼神加埋小禮物道歉。

 

4. 貓系

忽冷忽熱應該係形容貓系男友最貼切嘅形容詞！貓系男友平時超冷酷，但係一嗌交就會立刻變臉，道歉嘅時候手腳並用想盡辦法靠近你身邊，去搓揉摸摸氹你開心，突然變得溫柔。由cool爆男友突然變得嬌嗲，呢種反差邊有女仔受得住？！係韓劇橋段嚟㗎喎！

5. 鸚鵡系

煩死人啦！！！鸚鵡系男友採取瘋狂重複道歉嘅攻勢，不停無間斷地重複同一句句子，瘋狂講「對唔住！」、「原諒我！」、「唔好嬲啦！」，就係想你覺得煩，然後最終頂佢唔順原諒佢！