editing

白色情人節禮物🎁想拒絕對方可以回禮話佢知?

白色情人節禮物🎁想拒絕對方可以回禮話佢知?

情人節收咗禮物,想起白色情人節回禮究竟有咩要注意?正常嚟講,喺2月14日情人節當日,如果你收咗男仔送嘅朱古力(或其他禮物),咁你就要喺一個月後嘅3月14日白色情人節回禮;不過回禮亦唔代表一定應承嘅,因為每款禮物都有不同含意。就算你你想婉轉地拒絕對方,其實都可以喺白色情人節嘅回禮禮物入手!

by AhGrass

回禮一:糖或朱古力

白色情人節禮物🎁想拒絕對方可以回禮話佢知?

喺日本文化裡面,如果女生接受你嘅示愛,就會將糖或朱古力當作回禮,表示接受。如果送薄荷糖俾對方,即係話佢好想同佢拍拖!

 

回禮二:曲奇或餅乾

白色情人節禮物🎁想拒絕對方可以回禮話佢知?

曲奇代表溫柔體貼,如果以曲奇作回禮,即係對對方釋出善意。如果以餅乾作回禮,唔甜又唔苦,又唔係心心形狀嘅話......就係代表Friendzone,所以如果想婉轉地拒絕對方,送餅乾都係一個唔錯嘅選擇!

回禮三:棉花糖

白色情人節禮物🎁想拒絕對方可以回禮話佢知?

如果喺白色情人節送或者收到棉花糖又代表咩呢?根據傳統,棉花糖容易溶化,代表愛意轉眼消逝,意思即係拒絕人咁解呀!

 

白色情人節禮物🎁想拒絕對方可以回禮話佢知?

不過講多無謂,今時今日要得悉一個答覆,又使乜等一個月咁耐。計我話,如果你情人節收咗禮物但又對對方無興趣嘅話,應該之後都唔會見(收兵例外)!講真如果真係有意思又點會想等一個月先話佢知呀!不過,如果你係浪漫派又想搞搞新意思,白色情人節回禮對大部份人嚟講都應該幾新穎嘅!

 

LOAD MORE