汶萊王子原來係顧家爸爸！吳尊從無後悔退出飛輪海

有冇諗過有吳尊原來係二十四孝超顧家爸爸？大家對吳尊嘅印象可能仲係停留喺飛輪海斜陰年代，又或者係汶萊嘅超級富豪，但係你又有冇估過原來佢係一個好爸爸都兼好老公？

淨係睇佢微博就知佢超顧家啦，幾乎大部分嘅相都係影小朋友Max同NeiNei嘅生活日常。

當媽媽出國嘅時候，呢個二十四孝爸爸就擔當起媽媽嘅工作，氹兩個小朋友瞓覺，臨瞓前仲不忘整鬼臉氹佢哋開心添！

 

就連睇波都會帶埋囡囡去。

超貼心爸爸邊個夠佢嚟？

去旅行嘅時候瘋狂曬幸福，望真啲兩個小朋友同爸爸媽媽又真係幾似樣喎！

放閃又點會少得同老婆呀？呢張「七夕情人節」嘅錫錫相簡直羨煞旁人呀！

 

加上佢帶埋Max同NeiNei參加內地真人show《爸爸去啦兒5》，吳尊好爸爸嘅形象更加深入民心

 

見到佢依家係100分爸爸好溫馨咁，但係唔知佢有冇後悔過退出飛輪海呢？最近佢接受內地媒體訪問嘅時候就被問到有冇後悔退出，佢好肯定咁話從來都無後悔，但係有啲遺憾，不過為咗家庭都係值得，家庭永遠都係第一位！

 

訪問入面佢仲提到人生最難忘嘅一刻原來係老婆生小朋友嘅一幕，喺訪問入面真係睇得出吳尊錫老婆仔女錫到燶！