feature

你太善良,單身原因可能係因為人太好?

你太善良,單身原因可能係因為人太好?

單身嘅原因有成千上萬種,成日都聽到人話自己單身,但係又唔知點解。單身嘅原因都不外乎係太被動、脾氣差、未玩夠、唔認真......都係啲比較negative嘅嘢,但你有冇諗過單身嘅原因可能係因為太好人?有陣時對人太好可能就正正成為咗你脫單失敗嘅主因。

by COSMO

1. 唔想冇咗個朋友所以放棄

你太善良,單身原因可能係因為人太好?

出到嚟社會做嘢你會發現假人、機心婊、狗公一籮籮,遇上好女仔,又可以做埋好朋友嘅可以話係難上加難。好人難求,搵到一個善良又真心對你好嘅朋友梗係唔想失去佢。就算你有少少鍾意咗呢個好人到不得了嘅朋友,但因為你唔信有一日失去佢,所以「朋友關係」比「戀人關係」更保險,最終都無展開追求攻勢。

2. 身邊朋友太多增加壓力

你太善良,單身原因可能係因為人太好?

人太好太善良,所以身邊嘅朋友都好多,人緣太好好多時都會為男方製造咗一種無形嘅壓力。當有一日你哋分手,或者嘈大交,就算女方唔怪責,佢身邊嘅朋友都唔會放過你,男方會承受千夫所指,遭四方八面嘅朋友轟炸。你哋係因了解而分開都好啲,如果個男仔係做錯事嘅話,要承受嘅壓力一定超大!係有得揀嘅情況底下,都係揀個無咁多朋友嘅好啲。

3. 不具侵略性 循序漸進

你太善良,單身原因可能係因為人太好?

你善良無機心,只係想循序漸進談一段簡簡單單嘅戀愛,但可能呢種純品同不具侵略性就正正係失敗嘅原因。隨著年紀漸長加上戀愛「速食」文化,仲有咁多耐性又願意花大量時間心血追女仔嘅又真係有幾多個?

4. 中央暖爐 對人人都好

你太善良,單身原因可能係因為人太好?

人太好,對個個都好,同理心超標,好容易做咗中央暖爐。當你對每個人都好嘅時候,就算你因為對對方有好感而對佢好都好,佢都好自然會諗「佢對個個都咁好,應該係我諗多咗姐,佢唔係鍾意我嘅。」而最終打消咗追你或者同你發展嘅念頭。

LOAD MORE