除咗有才華,佢仲係小暖男!羽生結弦爆紅的四大原因

除咗有才華,佢仲係小暖男!羽生結弦爆紅的四大原因

近日冬季奧運會正進行得如火如荼,但唯一讓人記住名字嘅,就只有呢位日本選手羽生結弦。

by P

23歲嘅日本花樣滑冰選手羽生結弦,一出場就不停被洗版,除咗日本本地嘅粉絲,就連韓國、中國、台灣都吸納到大量粉絲,到底點解佢咁受歡迎?原來有呢4大原因!

1. 堅毅不屈讓人敬佩

羽生結弦細細個嘅時候身體唔好,所以4歲時父母就讓羽生結弦去學滑冰,點知一接觸滑冰,羽生結弦就立即愛上呢項運動,堅毅不放棄嘅精神亦從小時候就訓練而成。

菇頭嘅羽生好可愛!

2008年時喺青少年賽事中嶄露頭角,2010年更喺世界青年花滑錦標賽拿冠,自此就不斷登上頒獎台,有天分有實力,得到唔少粉絲支持!

2. 愛家孝順仔

冰王子嘅外表冷酷,但內心卻非常溫暖。2011年日本發生「311大地震」,羽生結弦嘅家鄉仙台市受到重創,當時佢嘅屋企,仲有用嚟練習嘅溜冰場都被摧毀,一家人都要去避難所到生活,失去訓練場地,羽生結弦並無放棄滑冰,反而令佢意志力更堅定!

無場地練習?佢就參加大大小小嘅演出,從而排練比賽嘅舞步,當時佢19歲,喺2014年索契冬奧奪冠後,賽後一度哽咽,稱自己係為家鄉而戰,佢仲將部分獎金捐去震災。

3. 有顆善良嘅心

羽生結弦自細就會帶住小熊維尼紙巾盒套外出比賽,因為佢覺得小熊維尼會對住佢微笑,好好安慰到佢內心嘅緊張,所以後來唔少粉絲觀看完佢比賽之後,都會將小熊維尼扔入場內,以示支持同打氣,小熊維尼雨簡直係令人震撼。

而羽生結弦並唔會收歸所有公仔,又或者掉棄佢哋,佢反而會將公仔捐俾當地嘅慈善機構,每次都會咁做,因為:「跟這類物質上的東西相比,獲得粉絲的支持與鼓勵更令我開心。很感謝粉絲的心意,但我自己實在帶不走這些玩偶,因此我會捐贈出去,希望能在社會上起到一些作用。」真係一位小暖男啊!

4. 識英雄重英雄嘅好隊友

羽生結弦同師弟宇野昌磨自小就認識,一齊成長一齊訓練,感情好好羽生結弦亦從來沒有睇唔起呢位師弟,反而對佢好愛護有加,喺比賽場上冷酷嘅羽生結弦,私底下卻非常體貼又窩心。

羽生對師弟照顧有加,當佢見到師弟接受傳媒訪問時,羽生仲立即趴底,免得被攝入訪問中,咁溫柔又細心嘅男生,難怪女生們咁喜歡佢!

LOAD MORE