感激《一路上有你》 張智霖、袁詠儀

by Letty

張智霖與袁詠儀相遇相知二十年,1993年合作拍攝電影《邊城浪子》邂逅,但Chilam坦言早於1990年靚靚當選香港小姐冠軍,已深深著迷。兩人在2001年秘婚,直至2006年靚靚陀上仔仔張慕童(魔童),始承認兩人早在美國拉斯維加斯註冊。

靚靚在電影事業發展順利,兩奪金像影后,當魔童出生後,開始減產專心照顧家庭。Chilam再憑劇集《衝上雲宵II》憑COOL魔一角,人氣急升。

 

當靚靚遇上偶像李敏鎬,老公亦識做主動幫老婆與偶像影相,非常體貼。

去年兩公婆首次夫妻檔演出內地綜藝節目《一路上有你》,在節目中兩人演繹出由年輕的學生時代,陷入經濟問題的時刻。

再以老人姿態走到老。在節目中分享彼此的經驗,靚靚真情剖白:「希望你三十年以後呢,身體健康,陪我去環遊世界,一直愛着我。」Chilam亦熱淚盈匡。能夠找到懂你的人可能不難,但能夠找到願意珍惜對方更難。

相片來源:微博

LOAD MORE