梁家輝《智取威虎山》

梁家輝做奸角不多,在《寒戰》半忠半奸的角色已讓人覺得無比深度毫無懸念攞影帝, 今次在《智取威虎山》攞正牌做大反派, 响一班國內老戲骨中仍不實霸氣,淨係造型已經先贏一截。

不過《智取威虎山》一片角色非常多始終分薄了戲份, 加上戲中另一男主角的張涵予亦非常搶戲,令座山雕這角色輸蝕了一點點。

熱門指數: 4星

劉德華《失孤》

劉德華在《失孤》的劇照曾一度在網上瘋轉, 不過電影上映時卻並不算極大迴響, 始終太靚仔的華仔以帶點港腔的普通話演出山區農民還是有一點欠說服力。

但努力有分加,而且舊年趙薇以同類題材的電影親愛的獲影后,證明慘情戲依然係有捧場客,都叫做未輸得哂。

熱門指數: 2星

郭富城《踏血尋梅》

奧斯卡有里安納度狄卡比奧,我們的金像獎也有城城郭富城, 大家都係提名咗勁多次,仲唔止一次係大熱。

縱觀影帝提名名單中, 獨欠城城一人一直食白果, 加上《踏血尋梅》一片絕對是鬥智鬥演技, 城城今次應該可以望穿秋水。

熱門指數: 5星

張學友《暗色天堂》

歌神以外,其實學友都憑《旺角卡門》攞過金像獎最佳男配角, 他演戲又確有另一種自成一家的氣質, 今時今日大家仲係會無限copy and paste他在《旺角卡門》烏蠅的cap圖, 就知佢演戲其實都令大家好有共鳴。

張學友再次夥拍林嘉欣, 點都值得期待。在《暗色天堂》中學友飾演一個被屈非禮的牧師,被逼從俗5年後再遇上當年告他的林嘉欣,角色前後的心理對比做得非常出色!

熱門指數: 3星

張家輝《陀地驅魔人》

演而優則導的張家輝第二次執導演筒自導自演《陀地驅魔人》票房成績非常好, 導技亦有大進步, 陀地驅魔人有啲8,90年代鬼片crossover動作加笑位, 完全開正家輝早期擅長的角色。

不過觀眾好似鐘意張家輝做啲慘情又深情又多包袱兼忍辱負重同打到唔死都重傷的角色, 家輝今次掙最佳新導演好似成數高啲, 要攞影帝似乎要再操返大隻或者打到飛起先。

熱門指數: 3星

LOAD MORE