金像獎大熱指數 - 影后篇

By COSMO

楊千嬅《五個小孩的校長》

千嬅榮升做媽咪後由春嬌升格做咗《五個小孩的校長》,不再是現代都市愛情故事反而係喊死人的溫情片,電影票房爆大冷!

楊千嬅《五個小孩的校長》

當大家以為千嬅淨係識做方麗娟,佢用春嬌證明到佢係做到內心戲,《五個小孩的校長》更証明佢可以單拖孭重飛仲帶埋小朋友入戲,唔知今次會唔會攞埋女主角爆多個冷?

熱門指數:3星半

湯唯《三城記》

湯唯夥拍劉青雲的愛情故事,唔講唔知原來係成龍大哥父母的真人真事改編(連名都用真的),看過的觀眾好多都話唔夠紙巾用,最重要係同劉青雲合拍苦命愛情片而得獎的女主角大有人在,唔知今次湯唯有無機會再下一城?

湯唯《三城記》

很可惜《三城記》上映時沒有太多宣傳,影片有點無聲上無聲落,大大影響了得奬機會。

熱門指數:3星

春夏《踏血尋梅》

早有湯唯大膽演出得影后,春夏走的路也有點相似,同樣是國內演員首次演出外地電影,全裸演出當然話題性十足。

春夏《踏血尋梅》

加上電影本身極受影評人讚賞,角色本身亦甚有發揮,如爭奪女配角贏面甚高,至於女主角則看看她運氣如何。

熱門指數:4星半

林嘉欣《暗色天堂》

13年前《男人四十》的林嘉欣示範了甚麼叫做天才演員,若當年提名的是女主角而非女配角成為影后亦非奇事。

林嘉欣《暗色天堂》

婚後小休復出的嘉欣去年在金馬獎憑《百日告別》得影后,演技更見純熟精練,今次演有些心計的女角,又係另一突破!

熱門指數:4星

張艾嘉《華麗上班族》

張姐無論何時何地都係咁高貴,《華麗上班族》明乎其實大小通吃 (講緊係唔同年紀的男角)。

張艾嘉《華麗上班族》

電影本身由張姐有份參與創作及演出的舞台劇改編,角色完全係為張姐度身訂造無誤,勝算又高一籌。

熱門指數:4星半

LOAD MORE