Pokémon熱!何雁詩玩到撞親人 爆陳瀅半夜出街搵比卡超

by Yufi Yip

Pokémon Go昨日才登陸香港,一日足以令全城瘋狂,facebook被比卡超洗晒版,周街都變成低頭族,不少藝人都中毒太深。

cosmo leisure


巨聲幫的何雁詩見Pokémon Go終在App Store上架,就以快過火箭的速度下載,再以快過太空船的速度喪玩,為了成為出色的訓練員,她走勻整個TVB,更走上天台尋找精靈。





連入廠拍攝,何雁詩都機不離手,更因捉精靈捉得太肉緊而「目中無人」,不小心連人帶機撞到旦哥鄭丹瑞,見狀旦哥都搞笑講咗句:「大牌喇!」何雁詩即時攬攬旦哥沙冧。旦哥,不如一齊玩?





何雁詩表示半夜回家時,與其同居的好友陳瀅不知所蹤,追問下原來又是小精靈作怪:「佢落咗街搵小精靈。」



低頭族可以留意吓,捉小精靈同時,隨時捉埋女神。

<<延伸閱讀>>豪門夢碎!陳瀅認與猷亨分手:將感情退後一步


講到最沉迷,非周志文莫屬。他勁玩接近24小時,連去沙灘曬太陽都玩,去到邊玩到邊。




凌晨時分,繼續與一班朋友揸車到處去,尋找小精靈的足跡,一日時間已玩到Level 11。

<<延伸閱讀>>人揀我我揀人!編輯試玩DATING APPS


為了捉到更多小精靈,周志文和朋友一起學習如何使用工具,及發掘更多功能和技巧,他呼籲大家和朋友一起捉:「最一個揸車,其他人就睇住電話咁捉。」



睇嚟周志文離成為一個出色嘅訓練員不遠了!

<<延伸閱讀>>增進感情大法!跟FRIEND子喪玩《POKEMON GO》的7大原因

LOAD MORE