聽晚開騷!Sammi沙聲拍片:無論點都會加油

by YY

鄭秀文(Sammi)的紅館演唱會《鄭秀文Touch Mi 2世界巡迴演唱會2016香港站》,明天(16日)就會正式開騷,不過未知是否太落力綵排,操勞過度,Sammi在開騷前竟然喉嚨發炎!

這兩天Sammi都有update facebook,先上載戴着口罩的照片,表示自己鼻敏感呼籲大家不要送花牌,她留言:「我雖然好鍾意花,但最近鼻敏感非常厲害,在演唱會期間,大家不用送花牌或花籃給我了,謝謝朋友們,可以發message給我打氣,我很開心足夠了。不過如果已訂了花,我都會小心安放在後台其他地方。另外,其實我這幾天咳嗽利害和喉嚨發炎,聲音也沙啞,不過,幸好精神和體力卻依然好生猛。乖乖吃藥中,希望開show能痊愈。朋友們,為我祈禱啦!」




其後亦自拍短片,聲沙沙謂:「咳喇,(指着喉嚨)發炎喇,聲都好似冇咗一半。我一定會加油。」片中Sammi冇氣冇力,令不少粉絲擔心,


今日Sammi再次拍片,比起昨天,明顯精神好多,不過聲音依然未恢復過來,她面帶笑容說:「把聲我覺得又好過尋日,咳又少咗啦,明日正式開騷啦,無論點我都會加油,加油。有幾多做幾多。Yeah!」最後一句「Yeah」Sammi差不多發不出聲,粉絲看到都紛紛留言為她感到難受,除了祝她早日康復外,亦鼓勵Sammi|「無論把聲變成點,都會支持妳」、「做唔到預期唔緊要,會俾100分掌聲」。









LOAD MORE