Sammi開番聲喇!張衞健爆許生許太復合日期

By COSMO

鄭秀文(Sammi)的演唱會《Touch Mi 2鄭秀文世界巡迴演唱會2016》頭兩場Sammi因病沙聲更一度落淚,以「有幾多,比幾多」成為演出目標的Sammi,昨日(18號)第3場似乎愈畀多,演唱會唱到中段《終身美麗》時,Sammi突然說:「好開心,好開心呀,我把聲清番啦!」觀眾都為她喝彩。接着唱《我們的主題曲》時亦愈唱愈順。

完騷後,Sammi在FB留言:「實實在在感動非常。在這喉嚨不適和咳嗽兩邊夾攻的時期,並且完全不可能好好休息的日子,每一晚每一位觀眾不但沒有生怨嫌棄,反而給我更多的愛和鼓勵和支援(萬人大合唱),這些都不是必然的,我會好好記住這龐大的溫暖和祝福。」






老公許志安連續三晚都有到場支持,而神秘嘉賓張衞健(Dicky)更在台上大爆許生許太的秘密,Sammi索性除鞋等他慢慢講,原來他們曾經在2000年在電視劇《齊天大聖孫悟空》中合作過,Dicky演孫悟空,Sammi演觀音,她表示當時未信耶穌才可以扮演觀音。Dicky爆料:「我當時搵佢演出,話佢知蘇永康演東海龍王,許……志安演唐僧騎嗰隻馬喎!佢聽到個『許』字就雙眼發光,聽埋『志安』直情口吃添!佢話『咁你問吓唐憎可唔可落地行,畀隻馬我騎吓呀』,我心諗,點會唔肯啫,唐僧邊個做?梁漢文呀,自己友,我出句聲,自己落地下,畀隻馬阿嫂騎啦!」Dicky又說:「當時老細仲話『你係唔係架,搵到鄭秀文嚟拍?我畀多500萬』。結果Sammi嚟足3日,我乜都唔使做,只係日日對佢講『多謝』,斗零都唔使畀佢,老細嗰5球嘢(5百萬元)我就袋袋平安,家陣我住緊層樓你有份畀。大家睇到,我係一個飲水思源嘅人!」他笑言要開電影《半熟人妻》由Sammi主演,將之前收了的500萬片酬物歸原主。




Dicky本來想爆Sammi和安仔秘密,他得戚地說:「今時今日許生許太有咁美滿嘅生活,我居功至偉呀!」全場歡呼,Sammi說:「關你咩事呀?」他說:「小弟同老婆喺菲律賓搞咗一場為期三日兩夜嘅婚禮,而當時我哋分別邀請咗,當時仲係處於分手狀態嘅許志安同梁漢文嚟……」全場爆笑,Sammi笑到講不到說話,Dicky立即說:「我喺度澄清,許志安同梁漢文無嘢架吓,鄭秀文唔係煙幕!」他說:「我有理由相信佢哋就喺呢三日兩夜裹,就……成功翻撻!」Sammi立即否認:「梗唔係啦!唔關你事,你亂講!」Dicky說:「今日你哋開花結果,係咪應該當我老爺,斟返杯茶畀我?許志安喺唔喺度?」觀眾立即指住觀眾席的安仔,但Sammi卻說:「唔喺度!」安仔離遠大叫:「黐線!」



LOAD MORE