哈囉喂嚇破膽!Baby師妹單拖挑戰鬼屋

By COSMO

今年海洋公園以鬧鬼中學為場景,推出鬼屋「屍立中學」,日前Style Model Management旗下的新力軍Y Style Girls,就派出2位Angelababy師妹Janet Tse(謝琬婷)、Hillary Lau(劉沛蘅),單人匹馬輪住入鬼屋,挑戰用最快時間完成,面對突然彈出的「惡鬼」,究竟誰會舉旗投降?


▲Hillary (左)和Janet挑戰單人匹馬入鬼屋!

事前Hillary已揚言非常容怕,她一到鬼屋前即匿在Janet後面,拖拉3分鐘也不肯進去,結果猜完「生死包剪揼」後,慘敗的Hillary被迫打頭陣,誰知她一入鬼屋就失威,一直在走廊徘徊的「爛面學生」突然大叫,嚇到Hillary一邊掩臉一邊掉頭跑出鬼屋,非常搞笑。其後嚇破膽的Hillary每行一步都掩著耳仔說:「唔好嚇我,唔好嚇我。」


▲Hillary 被「鬼」嚇得大叫。

冷靜過後,Hillary經過滿佈蜘蛛網的走廊,又迎來兩隻「喪屍學生」從廁格彈出,並作狀要箍Hillary頸,嚇到她左望右望,眉頭緊皺,稍一不留神,即被轉角位的演員嚇到大叫。不過要數最驚,肯定是嚇完再嚇的「爛面女學生」,「猛」到咁,搞到Hillary都嬲嬲地大呻:「好攰!」最後Hillary以6分02秒行完鬼屋,她一步出鬼屋即大呼:「好驚!我現在還有腳震,全程都好驚,又沒有人陪我,最驚是轉角位,隻女鬼無啦啦彈出來,呢頭嚇完,轉頭又見到她。」


▲Hillary 

Hillary嚇到面青,相反,Janet明顯大膽得多,由踏入鬼屋一刻已非常冷靜,面對一個接一個的「惡鬼」,Janet仍能笑住直行直過,最後以5分鐘輕鬆擊敗Hillary。而輸家Hillary則要接受大懲罰,獨自挑戰跳樓機,不過「未玩先腳震」的Hillary,卻堅持拉住Janet壯膽,幸好最後順利完成任務。


▲Janet則玩得好開心,全程保持甜美笑容,非常大膽。

<延伸閱讀>WIFI變WIFE!沮喪變且喪!藝人錯字事件簿

<延伸閱讀>《屍殺列車》單眼皮學生妹 為演戲退出WONDER GIRLS

LOAD MORE