楊千嬅、陳逸寧、林兆霞組中女唱K團反轉錄音室

By COSMO

楊千嬅余文樂主演的志明春嬌系列,第3部曲《春嬌救志明》將於4月27日上映。「春嬌志明系列」每集都會加入90年代經典歌曲,突顯劇情,《動地驚天愛戀過》、《別問我是誰》在戲裏舉足輕重,上映時更掀起全城話題,今集就有由余春嬌(楊千嬅)與2位閨密Brenda(林兆霞)和Isabel(陳逸寧)自組的中女團又唱又跳Raidas金曲《傳說》。



早前網上流傳,由余春嬌與2位閨密Brenda和Isabel自組女團「MKB48」又唱又跳Raidas金曲《傳說》的中女唱K片段,火速爆紅。今集《春嬌救志明》將會推出原聲唱片,而戲中Brenda和Isabel兩位好姊妹為氹余春嬌開心又唱又跳《傳說》一幕,更是這張原聲唱片的重頭戲。







為隆重其事,3位好姊妹專登book錄音室認真地錄音和拍MV。人生首次踏足錄音室的Brenda和Isabel,心情非常緊張,搞到唱錯歌詞、入錯拍子、疊聲等笑料,加上大笑姑婆千嬅在場,隔住錄音室厚厚的玻璃,都聽到她們的笑聲。



千嬅笑言:「其實我哋今日已經好收歛架啦,平時更加瘋狂,笑到收唔到掣。因為識咗8年、合作咗3集,拍到入晒血,抽離晤到,將戲裏經驗當成現實!」事實上「春嬌團隊」經常約埋唱K聯誼,千嬅說:「去到唱K,我好少唱自己歌,甚至好少唱歌,平時工作唱太多,我通常同朋友玩、聽人哋唱或者跳舞,都好熱鬧架!」Brenda和Isabel反而唱K勁揀千嬅的歌唱,千嬅聞言即哈哈大笑說:「多謝晒喎,你哋點唱我有版稅收,我都係靠呢啲起家架咋!」

由2010年上映《志明與春嬌》、2012年《春嬌與志明》,到今年4月上映的《春嬌救志明》,這7年裏千嬅在現實中由單身到拍拖、結婚生仔,所以得知《春嬌救志明》推出原聲碟,她感受很深,她說:「我好開心又好感動,呢啲係緣份,我哋因為呢個電影系列而認識,合作了咁多年成為朋友。一部電影系列拍咗差唔多8年,今年第3集,我哋一齊拍戲、錄歌、出碟,係大家一齊擁有,好有紀念價值,將來可以畀仔女睇。」





<延伸閱讀> 衫都可以做SPA?李施嬅做老闆解決「地少衫多」

<延伸閱讀>港產科幻片《明日戰記》投資3.5億 古天樂劉青雲裝甲上陣

LOAD MORE