[有料爆!]娛樂版啲知情人士邊度嚟?

by 新垣結姨

由細到大,不論睇八卦雜誌,抑或係報紙娛樂版,「知情人士」都老是常出現,究竟依啲「知情人士」係何方神聖?又究竟又知幾多內情?

正所謂「知情不報,該當何罪」,等做過娛樂版嘅結姨,依家同大家解構下。

娛樂版啲知情人士邊度嚟?

娛樂版啲知情人士邊度嚟?
1/新聞主角啲圈外朋友

有冇發覺每年選港姐,只係初選階段,一方面係依家Social media盛行,係人都有個facebook、instagram account,要起你底易咗好多,一方面係做咗人咁多年,總會有得罪人,啲想你死嘅人就會喺依啲時候將啲黑材料畀報紙雜誌。依啲情況,當然唔止選港姐先會發生,平時都大把!

娛樂版啲知情人士邊度嚟?
2/新聞主角啲明星朋友

明星同明星之間經常合作,總有啲啱傾嘅會成為好朋友,而明星都有分紅同唔紅,紅嘅其實不屑上唔上到娛樂版,但唔紅嘅呢?梗係求之不得啦!有啲為咗曝光率,就會出賣下朋友,然後再同記者夾埋,記者問回應時話自己唔知情,仲講到自己好撐朋友咁,到下次自己要宣傳,記者為咗唔想失去一個消息來源,點都會幫下手出翻段稿。

娛樂版啲知情人士邊度嚟?
除咗啲想要曝光率嘅奀星賣友求榮,仲有啲可能係因為身份尷尬唔好意思出自己名,咁嘅時候,記者就同幫幫手將佢變成「知情人士」。試過有單嘢,有傳N女畀C女恰,N女把口話冇事,但就喊Q晒口咁,網民就一面倒插爆C女,咁記者就搵C女男友L問知唔知咩事,L就梗係幫女友啦,同記者講N女扮可憐,講出佢知道嘅「真相」出嚟。不過,當時L就惹上官非,覺得自己個底唔好讀者唔會信佢,又唔想人覺得佢偏幫女友,最後佢就由「男友」變咗「知情人士」。

娛樂版啲知情人士邊度嚟?
3/根本係新聞主角自己

唔抵得人紅、受咗委屈要報復、自我宣傳,依啲料,多到數唔晒!明明幾個月已經同男朋友分手,偏偏等到有劇出、有戲上,就向同自己FRIEND嘅記者爆料,好似擠牙膏咁慢慢擠,仲要故意夾料講到對方出軌(其實係自己出軌),自己做受害者,有宣傳之效,又可以數臭埋對方,一舉兩得。

娛樂版啲知情人士邊度嚟?
有啲人同圈中人拍拖或者做生意等,但最後不歡而散,心有不甘又見對方係藝人,就故意向報紙雜誌爆料,但又想畀人覺得自己小器,身份就會變成「知情人士」、「好友」、「閨蜜」,咩都好,總之唔係當事人。

娛樂版啲知情人士邊度嚟?
娛樂版啲知情人士邊度嚟?

<延伸閱讀>講唔出佢有咩作品,但講得出佢男朋友/老公的5位女明星!

<延伸閱讀>《蘭花刼》10年前倉底貨都有得黃金時段播?盤點8套黃金時段重播一樣有收視的無綫神劇!

LOAD MORE