戀愛專家Kino開班教識女仔月賺60萬!上節目講嘢勁口窒 網民寸:「憑咩?」

by 高恩

ViuTV嘅《K.O. KOL》最近搵咗開班人戀愛技巧嘅「戀愛專家」Kino上去挑機,依位專家自稱每個賺60萬,仲即場同主持林作battle,試範點同女仔搭訕。
喺節目度,設定Kino同林作分別喺酒吧向model Elle搭訕,事後Elle就讚林作嘅技巧同畀人嘅感覺都好啲,而好多網民睇得都有一樣嘅睇法,仲狂踩依位所謂嘅「戀愛專家」冇料到,list咗Kino幾大罪狀!

戀愛專家Kino
戀愛專家Kino

戀愛專家第一宗罪:講嘢口窒窒

相信係都睇得出Kino好緊張,表情同手部動作都好唔自然,講嘢好唔順暢勁口窒。

戀愛專家第二宗罪:冇對人感受,自大

連問三次Elle咁後生嚟一間咁比較成熟人士嘅酒吧係咪做媒,以為人哋會以為佢好有趣,殊不知完全意識唔到咁樣會令到人反感同尷尬,之後多次數Elle嘅工作有乜唔好,又寸對方審視男仔。係問答環節,主持都覺得佢好奇怪,但係Kino就blog度解釋:
「觀眾和主持,都可能覺得我思路如此新奇怪誕,一時聽來,可能難以接受,但質問之下,卻有如此牢不可破。

說真的,時代風氣的倡導者,都是這樣。有很強壯和堅實的世界觀。要做些社會少人做,甚至不被鼓勵的事情,就要這樣的心態。」

戀愛專家Kino


戀愛專家第三宗罪:樣嘅問題

小編自己話齋「濫交都要睇樣」,識/食女首要條件當然係外表,有網民就笑Kino個look勁頹廢,塊面太瘦似道友多過似老師。連之前專教男士點着衫同點評城中名人衣著嘅真.KOL「佬訊」,都寫blog寸過佢着衫不倫不類,Kino着紅色格仔上衣加牛仔褲上節目,Elle節目中都忍不住暗寸佢,仲話佢咁着好似「花花公子」(小編覺得佢咁講算好厚道),但Kino喺blog度堅持咁嘅衣着係吸引到女仔嘅。

睇吓林作嘅表現:

LOAD MORE